فرێوە جە ژەنا سەرنیشتوو کوردەسانی و تورکیای بە سەرمەشقایەتی 'دەسوەڵێوستەی ژەنا پەنەوازم بە ئاشتی هەن' جە ئەنقەرەنە کوې بیێوە و ویستو ۋێشا پەی ئاشتی بەربڕی.

ئا ژەنې کە جە گوڤەنپارکەنە گلېرې بیێوە، گەرەکشا بې بەرەو پەرلەمان ڕاپیمای ئەنجام بڎا، بەڵام پۆلیس ڕاش نەڎا ئا ژەنې بە پاس ئامێبێنې پارکەکە ڕاپیمای ئەنجام بڎا، هامکات جە لایەنو پۆلیسیوە ڕاگیری جە پاسەکەیشا کریا و هەڕەشې مردنایشا ۋنە کەردۍ.

دماو ئی هەڕەشې، بەشێوە جە سایەقەکا هەوڵشا دا ترۊمبێلەکاشا گێڵناوە دما، کاتێ ژەنەکې پاسەکانە وەستێرە و گەرەکشا بې دەس بە ڕاپیمای بکەرا، سایەقەکې بەمەڵامەتوو فشارو پۆلیسیوە بەرەکێشا نەکەردێوە و ڕاشا نەڎا ئا ژەنې جە پاسەکانە وەزارە. ئا ژەنې کاروەدایشا ۋەرا ۋەر بە ئاستەنگییەکا نیشانەدا و پاسەکەشا بەرڎ دەروازەی چانکایەو پەرلەمانی.

جەمێوە چا ژەنا، سەرەڕاو ئاستەنگییەکا بەرەو پەرلەمان دەسشا بە ڕاپیمای کەرڎ.