هامسەرۆکو گرڏی پارتی دیموکراسی و یەکسانی گەلا (دەم پارتی) تونجەرە باقڕخان جە گلێرۆبییەی پەڕلەمانو پارتەکەییشەنە پێشئامێ و ڕۆژەڤەکێش هۆرسەنگنێ.

جە دەستپێکو قسەکاشەنە باقڕخان ناڕەزایەتی پارتەکەیش جە دژو پاڵبەسکەردەو هامسەرۆکا شارەوانی ئەکدەنیزە، ئەنداما ئەنجومەنو شارەوانی ئەکدەنیزە و دەس سەرەگێرتەی شارەوانییەکەیشەرە نیشانەشدا و واتش: "سەپناو قەیومی سەرو شارەوانی ئەکدەنیزنە نەک بە تەنیا جە دژو کوردان، بەڵکوم هامکات جە دژو ئیرادەو ڕاوەبەری هامبەشین"

پەیامو 'دیموکراتیکبیەین'

جە بەردەوامیینە باقڕخان جەختش وست سەرو ئا پڕۆسەیە کە جە ئیسەنە ئینا ئارانە و واتش: "ڕاما دیموکراسیین. کەس نمەتاوۆنە وەڵێماوە مردۆوە. بانگەواز جە گرڏ کەسێ مکەرمێ جە دژو عەقڵی دۆڵەتینە چبەرو  عەقڵو دیموکراتیک بییەی گلێربۆوە و ئەرەکۆشایما پەیش گۆرەتەر بکەرمێ."

سڵام جە پەیامەکا ڕابەر ئاپۆی کریا: هێزو چارەسەری ئاشتیا

جە بەشێوە تەرو قسەکاشەنە باقڕخان جەختش وست سەرو پەیامەکا ڕابەر ئاپۆی و ئاماژەش پانەیەدا بە گرڏ جۆرێ چنی پەیام و پڕۆسەکەینێ پەی بنیادنیای ئاشتی و واتش: "تا ئیسە تەماشەکەردەو ئێژا باخچەلی و پارتە ئۆپۆسیۆنەکا، جوابو و نیازەکێشا خاسينێ. چی بابەتەنە دلي گلێرگەینە هامبەشبیێوە وەرفراوان پێکئاما. ئینە یەکەمجارا جە تاریخو تورکیاینە پارتەکێ بەرژەوەندییەکێ وێشا وسا لاوە و پەشتگیریێ گۆرە مرانە بە چارەسەری دیموکراتیکی. بەڕاسی ئینە گرنگا."

جە دماینە باقڕخان واتش: "ئێژا عەبدوڵا ئۆجالان جە هەردووی پەیامەکاشەنە باسش چانەیەکەرد هێزو بنیادنیای ئاشتی هەن. ئیتر کاتو ئانەین دەسەڵاتداری هەنگامێ کردەی بنیۆ و مشۆم ئانەیش بکەرۆ.