ئشناسنامەو ٢ گەشمەرڎا ئاشکرا کریا
هەپەگە ئەرەیاۋناش، کە زاپەنە ٢ گەریلۍ گەشمەرڎۍ بیۍ و ئانەش وستڕووە، "بە قاڵبیەیۆیشا جە فەلسەفەو ئاپۆیی، خاکەڕایی، جە ۋۍ وییەردەیی و کەسایەتی پنەیاوایشانە بیۍ بە جەنگاوەرۍ نمونەیی".
ئەرەیاۋنای ناوەڼو ئەرەیاۋنای و چاپەمەنی هەپەگەی پی جۆرەنە:
"٤و تەمووزو ٢٠٢٤ جە هرووژموو دوژمنی پەی سەرو مېڎانوو مڎرامانوو سەرگەلێی هەرێموو گەشمەرڎە دەلیلی جە ۋەرنیشتوو زاپی، هەمڕێما جانفەدا سۆرۆ و جانفەدا عەفرین گەشمەرڎۍ بیۍ.
مڎرامانی داستانی دژوو هرووژمەکا دوژمنی پەی سەرو هەرێمەکاو پارێزنای مەدیای سەرو خەتەو گیانبازی ملۊڕاوە. ئا مڎرامانە بە ئەرەکۊشای گەریلاکاو ئازاڎیی کورڎەسانی بەردەواما. هەمڕێما جانفەدا سۆرۆ و جانفەدا عەفرین پەی ئازاڎیی گەلەکەیشا سڵشا جە گیانبەخشای نەکەردۆ و پېسە نامەکېشا ژیۋۍ. بە بەشداربیەی و رەنجوو ۋێشا دلۍ مڎرامانینە بیۍ بە خاوەن پێگێوە گرنگ. هەمڕێما جانفەدا سۆرۆ و جانفەدا عەفرین بە گرڎوو بیەیشاوە بیۍ بە فیدایۍ گەلەکەیما و چا ڕێنە بۍ مردای ئەرەکۆشیۍ. بە قاڵبیەیۆیشا جە فەلسەفەو ئاپۆیی، خاکەڕایی، جە ۋۍ وییەردەیی و کەسایەتی پنەیاوایشا بیۍ بە جەنگاوەرۍ نمونەیی. ئا جەنگاوەرە ئاپۆییە بەقیمەتۍ بە بێ مردای ۋێشا جە تاکتیکەکاو سەردەمی تازەینە بەرد وەڵێوە، گورزەشا جە دەوڵەتو تورکی قڕکەری شانا و ئازاڎیی گەلەکەیماشا پېسە گۆرەتەرین مەراموو ۋێشا دەسنیشان کەرد. هەمڕێکېما پەی ئا مەبەسیە سڵشا جە حیچ گیانبازیێوە نەکەردۆ و هێڵۊو ئەرەکۊشای گەنجاو کورڎەسانیشا دیاریەکەردە.
پېسە هەمڕایاشا سەرەوەشی جە بنەیانەو هەمڕایاما جانفەدا سۆرۆی و جانفەدا عەفرینی و گرڎوو گەلی وڵاتپارێزنوو کورڎەسانی مکەرمۍ. قەول مڎەیمۍ کە ئا ئەرەکۊشایەی رادەسوو ئێمەشا کەردەن بیاونمۍ بە سەرکەوتەی و لایەق پاڎیشا بیمۍ.
زانیاری جە بارەو ئشناسنامەو هامڕا گەشمەرڎەکاماوە پی جۆرەنە:
ناسنامۍ / جانفەدا سۆرۆ
نامۍ و دمانامۍ / ئیدریس چنار
شۊنماو جە ئەڎابیەی / ئێلیح
نامۍ ئەڎۍ و نامۍ تاتەی / ئەمینە حۆسنو
شۊنماو وەختوو گەشمەرڎەبیەی / ٤/٧/ ٢٠٢٤/ زاپ
*****
ناسنامۍ / جانفەدا عەفرین
نامۍ و دمانامۍ / محەمەد ئەکرەم شێخۆ
شۊنماو جە ئەڎابیەی / عەفرین
نامۍ ئەڎۍ و نامۍ تاتەی / مریەم- ئەکرەم
شۊنماو وەختوو گەشمەرڎەبیەی / ٤/٧/ ٢٠٢٤/ زاپ
