هەپەگە ئشناسنامەو گەریلێوەش ئاشکراکەرد، کە جە تەڵەو هێزەکا ئێرانینە گەشمەرڎە بیەن ئەرەیاۋناش، "هامڕاما دژوار بە ئایدۆلۆژیاو ۋێش، هامڕایی بەقووەت، قەناعەتی حێقم بە سەرکۊتەی و تەجرووبەو ۋێش جە هونەروو جەنگی گەریلاینە، بی بە جەنگاوەرێوە ئاپۆیی نمونەیی".
جە ئەرەیاۋناو ناوەنڎوو ئەرەیاۋنای و چاپەمەنی هەپەگەینە ئامان:
"هامڕاما دژوار ئەلباک وەختۍ جە ٢٦/١٢/٢٠٢٣ ێنە جە هەرێموو کۆتۆلینە جە جموجوڵەنە بۍ، کۊت دلۍ تەڵەو هێزەکاو ئێرانی و گەشمەرڎە بی.
جە فەرماندارە بە قیمەتەکاما ماهیر، سەربەست، بۆتان، نودا و جەلال کە جە ئەلباکەنە گۊرۍ بیۍ و ئامۍ ریزوو گەریلایۆ، حەریۆ چاڎیشا بیۍ بە ئەفسانێوە. ئا فەرماندە بە قیمەتیما بیۍ بە سیمبول و ڕەمزەو گەلەکەیما. ئا ڕاو ئازاڎییە کە جە تەرەفوو فەرماندە ئازاکاماوە کریاوە، فاڕیا پۍ نەریتێوە بە قیمەتی. هامڕاما دژوار ئەلباک ڕاو ئا نەریتە بە قیمەتەیشە گێرت ۋەر و جە هەرێموو ئەلباکیوە تێکەڵ بە ریزەکا گەریلای بی؛ بە ژیۋای، هەڵوێس و جەنگی ۋێش بی بە جەنگاوەرێوە ئاپۆیی. هامڕاما دژوار سیاسەتوو قڕکەردەی و کۊکوشی کە دوژمن سەروو گەلەکەیمارە پەیڕەوش کەرۆ، کەردش بە پاڵنەرێوە پۍ کۊشیای و گرڎ ساتێوە ۋێش بە گوڕدای بە کۊشیای ۋیەرنا. چا مەجالەنە بی بە ساحیب و ژیۋای و کۊشیایۍ بەرهەمداری.
هامڕاما دژوار جە فرەو مەنتیقەکا کوردسانینە کۊشیایش کەرد و چا خەباتەی چنەشەنە بەشداربۍ جەنگاوەرۍ دلێر و کۆڵنەدەروو خەتەو مدرامانی ئاپۆیی بۍ. بێجگە جە تەجرووبەو بیردۆزوو ۋێش پەی هامڕایی، قەناعەتی قووڵ و شارەزاییش جە هونەروو جەنگی گەریلاینە بی بە جەنگاوەرێوە ئاپۆیی نمونەیی.
سەرەوەشی جە مەردمی وڵاتپارێزوو ئەلباکی و کوردسانی بە گرڎیی و بنەیانەو بەقیمەتوو هامڕایما کەرمۍ کە جەنگاوەرێوە ئاپۆیی پێسە دژوار ئەلباکیشا گەورە کەرد و پێسکەش بە کۊشیای ئازاڎیی گەلەکەیماشا کەرد.
زانیاری جە بارەو ئشناسنامەو هامڕایما دژوار ئەلباکی پی جۆرەنە:
ناسنامۍ / دژوار ئەلباک
نامۍ و دمانامۍ / ئەرگین دەمیر
شۊنماو جە ئەڎابیەی / وان
نامۍ ئەڎۍ و نامۍ تاتەی / شەفیقە- ئەنوەر
شۊنماو وەختوو گەشمەرڎەبیەی / ٢٦/١٢/٢٠٢٣ / کۆتول
