ناوەڼو ئەرەیاۋنای و چاپەمەنی هەپەگەی جەبارەو گەریلا گەشمەرڎەکاوە ئینەش ئەرەیاۋنا:

"هەمڕێما زارینە، دلگەش و سیدار جە تاریخی جیاجیانە جە هرووژمەکا سوپاو تورکی ئەرەگیرینە پەی سەرو هەرێموو گەشمەرڎە دەلیلینە جە ۋەرنیشتوو زاپینە گەشمەرڎۍ بیۍ. هەمڕێما زارینە، دلگەش و سیدار کە ژیۋایۍ فیداییانەشا پەی ۋێشا کەرد ئامانج، بە ئەرەکۊشای ۋێشا پەی ئانەی جە تاریخوو ئازاڎیی گەلەکەیمانە ڕاو ۋێشا کەردۆ.

هەمڕێما زارینە، دلگەش و سیدار کە بیۍ بە جەنگاوەرۍ نمونەیی ئاپۆیۍ و شۆڕشگێڵنا قارەمانۍ رابەر ئاپۆی، بە ئەرەکۊشایۍ بێ دووەدڵی جە دژوو دەوڵەتو تورکی ئەرەکۊشایۍ گۊرەشا پەیڕەو کەرد کە جە دژوو ئاینڎەو هامبەشو عەرەبی، کوردی و گرڎوو گەلا ۋەرکۊتوو دلېڕاسەی هرووژمېوەش دەسپنەکەردەن. هەمڕێما کە پېسە گەریلاکاو ئازاڎیی پسپۆڕی جە فرەو چالاکینە بەشدارۍ بێنۍ، بە پاگیری، ورە و ئیراڎەیشا جە هێڵۊو فیدایی ئاپۆیینە بیۍ بە جەنگاوەرا ئاپۆیی نمونەیی. جە هەرێموو گەشمەرڎە دەلیلینە جە ۋەرنیشتوو زاپی جە خەباتوو بیناسازی تا وەشکەردەی مەڕەکا جەنگینە، جە چالاکی ئاوردەینە بە تاکتیکی دۆڵەمەڼ تا ژیۋایشا سەرو هێڵۊو فیدایی جە ئۆپراسیۆنە شۆڕشگێڵنیەکانە، جە چڼین خەباتەنە بەشدارۍ بێنۍ. هەمڕێما زارینە، دلگەش و سیدار دژوو کۆنسێپتو ئەسڕیەیۆ و پاکتاوی سەرو گەلەکەیما و جمیەرەکەیما بێ دووەدڵی و بێ مردای جە گرڎ خەباتێوەنە بەشداریۍ پەڕ ورە و جۆش و خرۆششا نیشانەدا.

هەمڕێکێما پەی ئانەی ڕاپیمای ۋێشا بە دروشمەو کورڎەسانی ئازاڎیی و ۋەرکۊتوو دلېڕاسەی دیموکراتیکی بیاونا ئەنجام جە دژوارتەرین هەلومەرجەنە ۋەرپرسیاریشا جە ئەستۆ گېرت  گرڎوو هرووژمەکۍ دوژمنیشا پوچۍ کەردۍ، جە هەرێموو زاپینە کە داستانوو مڎرامانیشا چنە منویسیۆوە بیۍ بە رەسەنتەرین قارەماناو ئازاڎیی کە تاریخی ئەفسانەیی خولقنۆ.

سەرەوەشی جە بنەیانەی قارەمانوو هەمڕایاما زارینۍ، دڵگەش و سیداری و گرڎوو گەلی وڵاتپاڕێزنوو کورڎەسانی مکەرمۍ، جارێوەتەر قەول واوەی مکەرمېوە کە ئا ئاڵۍ ئەرەکۊشای کە هەمڕایاما رادەسوو ئێمەشا کەردە بیاونمۍ بە سەرکۊتەی و بیمۍ بە لایەقوو یاڎوو گەشمەرڎا.

زانیاری سەرو ئشناسنامەو هەمڕایاما پی جۆرەنە:

ئشناسنامۍ / زارین

نامۍ و دمانامۍ / دەلال خەزال ئاکل

شۊنماو جە ئەڎابیەی / شڕنەخ

نامۍ ئەڎۍ و نامۍ تاتەی / زەینەب- ئیدریس

شۊنماو وەختوو گەشمەرڎەبیەی / ٣ ۍ ئایارو ٢٠٢٤/ زاپ

*****

ئشناسنامۍ / دڵگەش عەدنان

نامۍ و دمانامۍ / حەمزە محەمەد ساقیر

شۊنماو جە ئەڎابیەی / دێرەزور

نامۍ ئەڎۍ و نامۍ تاتەی / سارا - محەمەد

شۊنماو وەختوو گەشمەرڎەبیەی /٢٥ و حوزەیرانوو ٢٠٢٤/ زاپ

*****

ئشناسنامۍ / سیدار سەرحەد

نامۍ و دمانامۍ / مەتین داغجی

شۊنماو جە ئەڎابیەی / ئاگری

نامۍ ئەڎۍ و نامۍ تاتەی / ئاینور- ئەحمەد

شۊنماو وەختوو گەشمەرڎەبیەی /٤ و تەمووزو ٢٠٢٤/ زاپ