ئۆسلۆو پایتەختو نەرویجینە هرووژمەکۍ دۆڵەتو تورکی فاشیستی پەی سەرو پانیشتوو کورڎەسانی و هامکاری نۆکەر و داردەسەکاش چا ئەرەگیریەنە، بە گلېرۆبیەیۍ جە ئەنجومەنو ئۆسلۆو ناوەنڎو گلېرگەو دیموکراتیکی کورڎی (نەجەدەکە)ینە شەرمەزارکریا.

هامسەرۆکا و ئەنداما ئەنجومەنەکەی جە ناوەندو جەمەو دیموکراتیکی کورڎینە کوۍ بیێوە و دماو دەیەقێوە بێدەنگی پەی ڕێزگېرتەی جە یاڎو گەشمەرڎا ئازاڎیی کورڎەسانی، یاڎو گوڵستان تارۍ و هێرۆ بەهادینی بەرزڕاگیریا کە ٢٣ۍ ئابی جە ئاکامو هرووژمێوە فرۆکێوە بێفرۆکەوانو دۆڵەتو تورکی ئەرەگیرینە جە سلێمانی گەشمەرڎۍ بیۍ.

هامسەرۆکە رۆزەرین ئاڵگونەرهانە و ئەندام ئاسۆ داواشا جە گەلوو کورڎی وڵاتپارێزنی و دۆساشا کەرڎ کە جە ۋەرا ۋەرو ئا هرووژمانە بێدەنگۍ نەبا.

قەرارا ۋەردەمو باڵیۆزخانەو عێراقیچنە جە ئۆسلۆنە چالاکی شەرمەزارکەرڎەی بلۆڕاوە.