وەزارەتوو تەندروسیی حەماسی وەڵاش کەردۆ، ٧ تشرینوو یوەمیوە و دماو دەسپەنەکەردەی هجوومەکاو ئیسرائیلی پەی سەروو کەرتوو غەززەی پا هجووما ٢٩ هەزارێ و ٩٢ کەسێ کوشیێنێ.

وەزارەتەکە وستەنش ڕووە، کە ٢٤ سەعاتی ویەردەنە ١٠٧ کەسێ کوشیێنێ. ئانەیچ ئەرەیاونیان، کە ئەوەڵوو جەنگەکەیوە ٦٩ هەزارێ و ٢٨ کەسێ بریندارێ بیێنێ.

'دۆخەکە پێسە ئاپارتایدین'

وەزیروو بەروو فەلەستینی ریاز ئەلمالیکی بە دیوانوو باڵاو دادی میاننەتەوەییش وات، گەلەکەشا چێروو ئەرەگیریی ئیسرائیلینە ئینا دۆخێوە پێسەو 'کۆلۆنیالیزم و ئاپاڕتاید"ینە مژیوۆ.

ئەلمالیکی دلێ قسەکاشنە وەردەموو باڵاتەرین دادگاو سەر بە نەتەوەیۆگێرتەکانە واتش: "فەلەستینیەکێ ئینێ چێروو کۆلۆنیالیزمی و ئاپاڕتایدینە و واتش، بڕێ ئینسانێ پی قسێ بێزارێ با، بەڵام مشۆم  وەراوەروو ڕاسیی ئا دۆخەیرە کە ویاەرناش بێزارێ کریا".

ئارۆ بەدما دیوانوو دادی میاننەتەوەیی بارەو وەنەکەوتەیۆ یاساییەکاو ئەرەگیریی ئیسرائیلی ساڵەو ١٩٦٧ بەدماوە سەروو خاکوو فەلەستینیوە، دەس بە نیشتەیرەی کەرۆ. داوا وەنەو ٥٢ وەڵاتا کریان، کە چا دۆسیێنە بەڵگە و زانیارییەکاشا وزا ڕووە. ئا ئەرەنیشتەیە بە ئەرەنیشتەی و هەنگامێوە بێوێنە و بێوەڵینە نامێ نریان.

نوێنەراو ئەمریکا، ڕووسیا و چینی کۆشکەو ئاشتیینە لاهاینە چەنی دادوەراو دیوانوو باڵاو دادوو میاننەتەوەیی کوێ بیێبێنێوە.