زوانی ئەدایی ئا زوانەنە کە بنچینەی کولتووری گرد کۆمەڵێ بە جیاوێزی: (رەگەز، رەنگ، یاگێ ژیوای، و هٶرکٶتەی جوگرافی، باری رٶشنویری و کٶمەڵایەتی و حوکمڕانی و دەسەڵاتداری ) درٶسکەرٶ، ئێمەی هٶرامی زوانی ئەداییما دێرین و رەسەن و فرە دٶڵەمەندا، میراسگیرو زوانە ئارییەکان بە تایبەت زوانی (:پاڵەوی بەهەردوە جٶرەکاشٶ کە ماچیوشا پنە سۆران پاڵەو و کارین پاڵەو ، هەرپاسە زوانی ئاوێستایی و تەنانەت رەگێ سانسکریتییچش چنەنێ)، زوانو ئێمە گرامەرێوی دٶڵەمەند و دەستووری دنیاییش چنەنێ، جە کٶ (١٣) دەسورا پێ بیەی زوانی دونیایی (١١) دەسورێشا زوانی هٶرامیەنە هەنێ، خٶ ئەگەر کنەی زانستی کریٶ، چانیشانە دوە دەسورەکەی تەریچ بانێ.، بە سەدان چەمکێ زوانیی کە بنەريتشا هٶرامیا دلی زوانو نەتەوەکا تەریەنە یان پێسە وێشا، یان بە کەمێ دەسکاریٶ وەرەچەم گنا، سامانی ئەدەبی و مەعرێفی ئی زوانیە پێ سەردەمێوی فرە دێرێنی گێڵٶوە، کە مایێوی گٶرەن پێ بیەی نەتەوەیی.

داخێ گرانەم ئەنەیاوای ژیرانە و پێ ئی زوانییە نیا و هیچ بایەخێ زانستی نەدریان پنەش کە ئینێچ پێ ئا حەزە ناڕەوایە گێڵٶوە روەو خەفەکەردەیش بەرٶ. ئا کەسی کە گەرەکشانە هٶرامی گنٶ پەشتٶ کەنٶڵا فرە خەیاڵشا خاوا، چون ئێنە سامانی کولتووری گٶرەش هەن هەمیشە بە زیندەیی و جاویدانی مەنٶوە.