هامسەرۆکو وەڵینو کۆنگرەو گلێرگە و دیموکراتیکو کوردەسانیا جە ئەوروپا (کەجەدەکە_ئە) یوکسەل کۆچ جە یانەکە و وێشەنە جە شارو برێمەنی باڵبەسکریا و وزیا زینان،بی بۆنۆ بە کۆنگرێوە ڕۆنامەوانی زینانی کەردە و یوکسەل کۆچی شەرمەزار کریا.

کوردەسانیێ جە مییانو شارەکەینە گلێرێ بیێوە، بە زوانی کوردی و تورکی و ئەڵمانی ئەرەیاوناکەیشا واناوە.

هامسەرۆکو کەجەدەکە_ئە زوبەیدە زومروت جە چالاکییەکەنە جەختش وست سەر و بانگەوازو ئاشتی و گلیرگە و دیموکراتیکو ڕابەر ئاپۆی جە ٢٧ و شوباتی، ئاماژەش پانەیە کەرد دۆڵەتو ئەڵمانیای بانگەوازەکەو ڕابەر ئاپۆی و قەرارەکا کۆنگرەو پەکەکەیش پێسەو هەنگامێوە ئەرێنی هورسەنگنا، کەچی پی دۆڵەتەی بە ڕەفتارەکاش دژو پرۆسەکەی جوڵییۆوە. زوبەیدە زومروت داواش کەرد، دەمودەس یوکسەل کۆچ ئازاد کریۆنە.

چالاکییەکە نزیکەو سەعاتێوە بەردەوام بێ، بە بەرزکەردەیۆ درووشمی دمایش ئاما.