بنەماڵەکان بەمەبەستی رۆیشتن بۆ ئیمراڵی داواکارییان پێشکەش کرد
بەمەبەستی دیدار لەگەڵ رێبەرئاپۆ و زیندانیانی دیکەی ئیمراڵی بنەماڵەکان داواکارییان پێشکەش کرد.
محەمەد ئۆجالان برای ڕێبەر ئاپۆ و مەزڵوم دینچی پارێزەری، بە داواکاری ئەنجامدانی دیدار سەردانی داواکاری گشتیی کۆماری بورسا و بەڕێوەبەرایەتی زیندانی ئیمراڵییان کرد.
بەهەمان شێوە ئەمینە کۆنار، خوشکی عومەر خەیری کۆنار، پۆڵاد یەڵدرم برای حامیلی یەڵدرم و مەلیحە چەتین خوشکی وەیسی ئاکتاش بە داواکاری ئەنجامدانی دیدار، داواکاری گشتیی و بەڕێوەبەرایەتی زیندانیان بەسەرکردەوە.
دوای چوار ساڵ لە گۆشەگیری سەخت، لە ڕۆژی ٢٤ی تشرینی یەکەمی ٢٠٢٤ ڕێبەر ئاپۆ دیداری لەگەڵ عومەر ئۆجالانی برازیدا ئەنجامدا. لە دیدارەکەدا ڕێبەر ئاپۆ پەیامێکی بۆ ڕای گشتی نارد و ئاماژەی بەوەداوە کە گۆشەگیری بەردەوامە.
