لە ئیزمیر لە ٦ی تشرینی یەکەم لە میانی هەڵکوتانە سەر ماڵاندا هاوسەرۆکانی پارتی دیموکراتیکی گەلان (هەدەپە) ی ئیزمیر بەرنا چەلیک و چنار ئاڵتان و هاوسەرۆکی هەدەپەی بوجای نیهاد تورک دەستبەسەر کرابوون. دوێنێ هەرسێ هاوسەرۆک دوای وەرگرتنی وتە لە بەڕێوەبەرایەتی پۆلیسەوە رەوانەی دادگا کران. داواکاری گشتی بە داوای زیندانی کردن هەرسێکیانی رەوانەی دادگا کرد. دادگای سزای سوڵحی ئیزمیریش بە بانگەشەی "ئەندامبوون لە رێکخراو" بڕیاریدا بە زیندانی کردنی هەر سێ هاوسەرۆکەکە.

بڕیاری زیندانی کردنی هاوسەرۆکان بە رێڕەوەکانی دادگا بە چەپڵە و هەلهەلە شەرمەزار کرا.