کوردستانیان لە کەمپی لاڤریۆی یۆنان لەگەڵ گرووپە ئەنارکیستەکان لە ئەسینا کۆبوونەوە و بەرەو باڵیۆزخانەی ئێران بەڕێکەوتن.

چالاکوانان لەبەردەم باڵیۆزخانەی ئێران لە ئەسینا ڕاگەیاندراویکیان خوێندەوە و کوشتنی ژیینا ئەمینی-یان ئیدانە کرد و پشتیوانیشان لە ڕاپەڕینی خەڵک لە ئێران و ڕۆژهەڵاتی کوردستان کرد سیاسەتی زاڵمانە و چەوسێنەرانەکانی دەوڵەتی ئێرانیانیان شەرمەزار کرد.

لە چالاکییەکەدا ژمارەیەک پۆستەر بۆ ئیدانەکردنی کوشتنی ژینا ئەمینی بەرزکرابوونەوە، کە دروشمی ژن، ژیان، ئازادی-یان لەسەر بوو. هەروەها وێنەکانی رێبەری گەلی کورد عەبدوڵا ئۆجالان و ئاڵاکانی پەکەکە بەرزکرابوونەوە.

لە چالاکییەکەدا بە بەردەوامی دروشمی "ژن، ژیان، ئازادی" دەوترایەوە. بە وتنەوەى چەندین دروشم پشتیوانییان لە ڕاپەڕینی گەلانی ئێران و ڕۆژهەڵاتی کوردستان کرد و سیاسەتە سەرکوتکارییەکانی رژێمی ئیرانیان ئیدانە کرد.

ژ.ت