سەحەر دەنیز (خەدیجە ئاتەش)، کە لە هەرێمەکانی پاراستنی مەدیا شەهید بوو، مەراسیمێکی یادکردنەوەی لە شاری هیلبرۆنی ئەڵمانیا  بەڕێوەچوو.

چالاکییەکە بە خولەکێک ڕێزگرتن بۆ یادی شەهیدانی کوردستان و شەهیدانی شۆڕش دەستیپێکرد.

پاشان ئەندامانی خانەوادەی شەهید سەحەر دەنیز قسەیان کرد و باسیان لە سووربوون و پێداگریی سەحەر دەنیز بۆ ژیانی ئازاد کرد. داواشیان لە کوردانی ئەوروپا کرد، کە زیاتر بەشداری ئەو تێکۆشانە ببن.

دەلال ئامەد بەناوی بزووتنەوەی ژنانی کورد لە ئەوروپا قسەی کرد و باسی لە ژیان و جۆش و پەرۆشی و تێکۆشانی شەهید سەحەر دەنیز کرد.

پاشان فیلمێک پەخش کرا و نامەیەکی سەحەر دەنیز خوێندرایەوە، کە بۆ بنەماڵەکەى نووسیبوو.

لە یادەکەدا نوێنەری کۆمەڵەی بنەماڵەی شەهیدان و کەسوکاری بێسەروشوێنان (KOMAW) و ڕێکخراوەکانی گەنجان قسەیان کرد.

یادەکە بە وتنەوەی دروشمەکانی "بژی سەرۆک ئاپۆ"، "شەهید نامرێ" و "ژن، ژیان، ئازادی" کۆتایی هات.

ژ.ت

17701