ڕامیار حەیدەر، وەرگێڕی کتێبەکانی ڕێبەری گەلی کورد عەبدوڵا ئۆجالان وەک وتاردەر بەشداری چالاکییەکەی کرد.

حەیدەر ئاماژەی بەوە کرد، گەلانی ڕۆژهەڵاتی ناوین و جیهان، پێویستیان بە پرۆژەی "نەتەوەی دیموکراتیک" و "کۆنفیدراڵیزمی دیموکراتیک" هەیە و گوتی: "ئایدۆلۆژیا و ڕۆڵی عەبدوڵا ئۆجالان لە جیهاندا گرنگە".

ڕامیار حەیدەر تیشکی خستە سەر پرۆژەکانی وەک "ئیدارەی خۆبەڕێوەبەری"، "ئیکۆلۆژی و هەرێم"، "ئابووری و هەرێم"، "ئازادی ژن و ژنان"، "گەشەپێدانی فیکر"، "گەنجان"، "دەوڵەت و دیموکراسی" و گوتی: "ئایدۆلۆژیای عەبدوڵا ئۆجالان نەوەک تەنها لە ڕۆژهەڵاتی ناوین، بەڵکو دەتوانێت چەندین شت پێشکەش بە سەراپای جیهان و مرۆڤایەتی بکات". 

ڕامیار حەیدەر ناڕەزایەتی دەربڕی بەرامبەر گۆشەگیری ئیمراڵی و گوتی: "ئەو گۆشەگیرییەی لەسەر عەبدوڵا ئۆجالان جێبەجێ دەکرێت، لەسەر گەلی کوردیش جێبەجێ دەکرێت، ئەم ڕەوشە گەیشتۆتە ڕۆژئاوا". 

پانێڵەکە بە پرسیار و وەڵام بەردەوام بوو.