ئێشکگری تێکۆشان دژی کودەتای قەیوم لە ناوچەی خەلفەتی ڕحا ١٣ ڕۆژە بەردەوامە. هەرچەند شارەوانییەکە لەلایەن  پۆلیسەوە گەمارۆدرابوو، گەل لە بەیانییەوە لەبەردەم شارەوانی کۆبوونەوە، پانکارتی "قەیوم نا، دیموکراسی" و "بە تێکۆشان سەردەکەوین"یان بەرزکردەوە. هاوسەرۆکانی شارەوانی خەلفەتی محەمەد قەرەیلان و سانیە بایرام، برای ڕێبەر ئاپۆ محەمەد ئۆجالان، بەڕێوەبەرانی دەم پارتی لە شار و ناوچەکانی هاتای و بەڕێوەبەرانی ڕێکخراوەکانی ناوچەی سێوەرەگ و بێرەجوک بەشداربوون.

هاوسەرۆکانی دەم پارتی شاری هاتای، سەحەر جەوهەرئۆغلو و نەعیم ئۆزبەک تیشکیان خستەسەر گرنگی گردبوونەوەی دیموکراسی و ئازادی کە سبەی لە ئێلح ئەنجام دەدرێت، سەحەر جەوهەرئۆغلو گوتی: "سبەی لە ئێلح گردبوونەوەمان هەیە. دژ بە ئەم دەستبەسەراگرتنە بانگەواز لە گەلەکەمان دەکەین بەشداری گردبوونەوەکە بکەن".

نەعیم ئۆزبەک بانگەوازی کرد بۆ بەشداربوون لە گردبوونەوەکەی ئێلح و ڕایگەیاند، "هەموو گەلانی تورکیا بانگهێشت دەکەین بۆ گردبوونەوەکەی سبەی".

ئێشکگری تێکۆشان بە گۆرانی کوردی و هەڵپەڕکێ بەردەوامە.