هەپەگە بەڕێزو حورمەتۆ یاڎو سۆران ماپریزیش بەرز نرخنا
هەپەگە یاڎو گەریلای گەشمەرڎەیش بەرز رخنا و واتش، "بە کۆششکاری، دروسی، رەنجدەری و هەمڕایی قەوەتو وێشۆ پەی گرڎو هەمڕایاش بی بە جەنگاوەرێ نمونەیی".
بە دیمەن
ئەرەیاۋناو مېیان و چاپەمەنی هەپەگەی پی جۆرەنە:
"هەمڕاما سۆران ماپریز جە ١ ئابو ٢٠١٩ ینە جە مېڎانوو مڎرامانو کەشو کارکەرینە زاپەنە جە هجومێ دژمنینە گەشمەرڏەبی. ئێمە رۆڵەو ئازاو وەرکەوتو کوردەسانی، جەنگاوەری ئاپۆیی ئازا هەمڕاما سۆرانی بەڕێز و پنەزانایۆ یاڎ مکەرمێوە.
هەمڕاما سۆران ماپریز درکش پانەیە کەرد کە خاستەرین بەها نەتەوەییەکێ بە ئایدۆلۆژیاو ڕابەر ئاپۆی و جمېیەرو پەکەکەی متاویۆنە بە زیڼەیی مەناوە و جە ناخۆ بەشداریش جە جمېیەری ئاپۆیینە کەرد. هەمڕاما سۆران ماپریز یاوانە کە ئازادی بە ئاسانی بە دەس نمێ و پەی ئانەی مشۆم پەو پەڕو هەرەکەتیۆ ئەرەکۆشای بکریۆنە. پێسەو شۆڕشگڵێوە پڕۆفیشناڵی قەرارش دا کە بە شێوۍ چالاک بەشداری ئەرەکۆشای بکەرۆ. سەرو ئا بنەمایۍ هەمڕاما بە بێ ئانەی پەی دەیەقێوە دووەدڵ بۆ، پێوەس بی بە ریزەکاو ئەرەکۆشای و گرڎ کاتێ بە شێوێ فیدایی ئەرەکۆشا. بە دڵسۆزی وێشۆ چنی حەقەتینو گەشمەرڎا و ڕابەرایەتی بیی بە خاوەن بەشداربیێوە راس و دروس. درکش پانەیە کەرد کە یاڎو هەر هەمڕێوە گەشمەرڏەیش، تەنیا بە گەشکەردەو ئەرەکۆشای بە زینەیی مەنۆوە. گرد کاتێ هەوڵی فرەش دا و بی بە خاوەنو هەوڵدای. هەمڕاما سۆران ماپریز پا تایبەتمەندییەو ۋێشۆ جە دڵو گردو هامڕاکاشەنە یاگێش گێرتە و بە کۆششکاری، دروسی، رەنجدەری و هەمڕایی قەوەتو وێشۆ پەی گردو هامڕایاش بیی بە جەنگاوەرێ ئاپۆیی نمونەیی.
پێسەو هەمڕایاش، سەرەوەشی جە گەلەکەیما جە جوانڕۆ و گەلی وڵاتپاڕێزنو کوردەسانی و بەتایبەتی بنەیانە قەڎرگرانەکەیش مکەرمێ کە رۆڵێوە پێسەو هەمڕا سۆرانیشا پەی ئەرەکۆشای ئازادیی گەلەکەیما پەروەردەکەرد.
زانیاری جە بارەو شناسنامەو هەمڕا سۆرانی پی جۆرەنە:
ناسنامۍ / سۆران ماپریس
نامۍ و دما نامۍ / شاهین کۆهی
شۆنەماو جە ئەڎابیەی / جوانرۆ
نامۍ ئەڎۍ و نامۍ تاتەی / نەشات- جەهانبەخش
شۆنەماو کاتو گەشمەرڎەبیەی / ١ و ئابو ٢٠١٩ / زاپ
