ئیمامئۆغڵو مێردیننە چنی هامسەرۆکاو شارەوانی کۆبیۆ
سەرۆکو شارەوانی گۆرەشارو ئیستەنبوڵی ئەکرەم ئیمامئۆغڵو مێردیننە سەرش ۋنەو هامسەرۆکا شارەوانی دا، کە جە هەرمانەکێشا دورۍ وزیێنۍ و دەس سەرو شارەوانیەکەیشارە گیریان.
سەرۆکو شارەوانی گۆرەشارو ئیستەنبوڵی، کە هامکات سەرۆکو یۆبیەی سەرۆک شارەوانییەکاو تورکیاین ئەکرەم ئیمامئۆغڵو و شاندی یاوەریش یاوۍ مێردین.
جە تەرەفو هامسەرۆکاو شارەوانی گۆرە شارو مێردینی ئەحمەد تورکی و دەڤریم دەمیرێوە کە مەنسەبەکەشا زەوت کریان و هامسەرۆکاو شارەوانی گۊرە شارو ئامەدی سەرا بوجاک و دۆغان خاتوونێوە خێر ئامایشا جە ئیمامئۆغڵوی کەرد.
یاردیدەرو هموسەرۆکو گرڎیی دەم پارتی پەی هەرمانو کارو ڕاوەبەرایەتیە دلێینەییەکا محەمەد روشتو تریاکیچ بەشداریش جە خێرئاماکەینە کەرڎ.
ئەکرەم ئیمامئۆغڵو دماتەر چنی ئەنداماو دەم پارتی لوۍ پەی یانەو ئەحمەد تورکی جە ناوچەو دێرکی.
