ئەمشەو لە شارۆچکەی بەحرکەی سەر بە پارێزگای هەولێر، دەنگی سێ تەقینەوەی بەهێز بیسترا، بەگوێرەی شایەتحاڵەکان دەنگەکان لەشێوەی بۆردوومان بووە و لە نزیک بارەگای پارتێکی ڕۆژهەڵاتی کوردستان بووە.

زانراوە، لەو شوێنەدا ئاگرێکی زۆر بەرزبووەتەوە، باس لەوە دەکرێت زیانی گیانی لێ کەوتۆتەوە و ئەمبوڵانس بەرەو شوێنی ڕووداوەکە چووە، بەڵام هێشتا زانیارییەکان پشتڕاست نەکراونەتەوە.

هەر بەپێی زانیارییەکان، هێزێکی ئەمنی زۆر لەوێ کۆبوونەتەوە، ڕێگە بە ڕووماڵکردنی ڕۆژنامەوانان نادەن.