داگیرکردنی کوردستان لەلایەن دەوڵەتی داگیرکەری تورکەوە بەهەموو شێوازێک بەبێ ڕاوستان بەردەوامە. هاوکات لەگەڵ هێرش و بۆردومانانەکانی کە ڕۆژانە بەسەر خاک و گەلی باشووری کوردستاندا دەبارێنێت، لەلایەکی ترەوە بە دروستکردنی بنکەی نوێ سەربازیی و هەواڵگری لە هەرێمی کوردستان خۆی جێگیر دەکات.

بەپێی هەواڵی ڕۆژنیوز، لە دوو ڕۆژی ڕابردوودا، سوپای داگیرکەری تورک هەندێک بنکەی نوێی لەهەرێمەکانی، گەلی، ئامێدی و چیاکانی هەکاری و چارچڵە دروستکردووە و بەوشێوەیە لە هەرێمەکانی پاراستنی مەدیا و گۆڕەپانەکانی بەرخۆدانی گەریلا خۆی نزیک دەکاتەوە. هەروەها هێزەکانی پەدەکە شانبەشانی سەربازانی تورک لە ناوچەکەدا هاوکاریان دەکەن.