بە گوێرەی ئەو زانیاریانەی وەرگیراون درەنگانی شەوی رابردوو، فڕۆکەی شەڕ و فڕۆکەی بێفڕۆکەوانی هێرشبەری دەوڵەتی تورکی داگیرکەر ناوچەی برادۆستیان بە خەستی بوردومان کردووە.

بە گوێرەی زانیارییەکان فڕۆکە شەڕکەر و هێرشبەرەکان کوێستانەکانی روارا، سنین، گەروی سنگا و چیاسۆرکیان چەندین جار بۆردومان کردووە.

هەروەها لە رێگەی فرۆکەی شەڕەوە ناوچەکانی گوندی بێرکەم، چیای بۆڵێ و بێجوانان لە نزیک شارۆچکەی سیدەکانی سەر بە هەولێر بۆردومان کران.

هێرشەکان لە نزیک ناوچەکانی نیشتەجێ بوون ئەنجامدران و زانرا کە تا درەنگانی شەو فڕۆکە بە سەر ناوچەکەوە سوڕاونەتەوە. لەبارەی زەرەر و زیانەکانی ئەو هێرشەوە زانیاری بە دەستنەهێنراوە.

هـ . ب