دەزگای خانەوادەی شەهیدانی شەنگال راگەیەندراوێکی لە بەرامبەر گەمارۆدانی کەمپی پەنابەرانی شەهید رۆستەم جوودی (مەخمور) لەلایەن حکومەتی عێراقەوە راگەیاند.

لە راگەیەندراوەکەدا باسی سەختیەکانی ئاوارەیی، فشارەکانی چەندین ساڵەی پەدەکە و هێرشەکانی دەوڵەتی تورک بۆ سەر کەمپی مەخمورکرا و راگەیەندرا، حکومەتی عێراق لە جێگەی ئەوەی کێشەکان چارەسەر بکات، دەیەوێت لە ئێستادا کەمپەکە گەمارۆ بدات.

دەزگای خانەوادەی شەهیدانی شەنگال پشتگیری لە بەرخۆدانی خەڵکی مەخمور کرد و ئاماژەی بەوەکرد کە هێرشەکانی سەر مەخمور یەکلایەنە نین.

دەزگاکە رایگەیاند، هێرشەکان بە فشاری دەوڵەتی تورک و پەدەکە  ئەنجام دەدرێت و حکومەتی عێراقیش بۆ ئەوەی دەسەڵاتی خۆی درێژ بکاتەوە، بازرگانی بە ژیانی گەل دەکات.

لە راگەیەندراوەکەدا باسی ئەوەش دەکرێت کە گەلی مەخمور سەردەکەوێت و وتی، " چۆن تاوەکو ئێستا بە رەنج و شوێنی شەهیدان شەنگال لەسەر پێیە و لە بەرامبەر هەموو پلانەکان سەرکەوتووە، بەرخۆدانی خەڵکی مەخموریشمان سەردەکەوێت."

ف.ق