مەزڵوم حەفتەن ئەندامی ئەنجوومەنی پژاک سەرنجی بۆ ناڕەزایەتییەکانی ڕۆژهەڵات و ئێران ڕاکێشا و ڕایگەیاند کە پێویستە بەرەیەکی دیموکراتی جەماوەری لە ئێران هەبێت و لە کوردستانیش لەم چوارچێوەیەدا بەرەیەکی کوردی و کوردستانی پێکبهێنرێت.
مەزڵوم حەفتەن ئەندامی مەجلیسی پارتی ژیانی ئازادی کوردستان (پژاک)، سەبارەت بە ناڕەزایەتی و خۆپیشاندانەکان کە ئێستا لە ڕۆژهەڵاتی کوردستان و ئێران ڕوودەدەن، قسەی کرد.
حەفتەن بەم شێوەیە دەستی بە قسەکانی کرد؛ "سەرەتا سەرەخۆشی لە گەل و خانەوادەی ئەو کەسانە دەکەم کە لەم خۆپیشاندانانەدا گیانیان لەدەستداوە، هیوای چاکبوونەوەش بۆ بریندارەکان دەخوازم. سڵاو لە هەموو ئەو بەڕێزانە دەکەم کە بەشداری ناڕەزایەتیەکان دەکەن و سەرکردایەتیان دەکەن. بێ گومان ئەو دۆخەی کە هاتۆتە ئاراوە ناکرێ وەک ڕووداوێک مامەڵەی لەگەڵدا بکرێت و چاودێری بکرێت. یەکێکە لە چەندین نموونە. دەرئەنجامی نادادپەروەری و دڕندەیی دەوڵەتی ئێرانە لەسەر گەلی ئێران. نموونەی تریش زۆرن، زۆر گۆڕستانی چۆڵ هەیە. ئەو گەلەی لە پێناو داخوازی ماف و دادپەروەری و بۆ خەباتی دژ بە زوڵم و ستەم و خەباتیان کرد و ڕژیمیان ڕەت کردەوە، لەم پێناوەدا بێسەروشوێنکران یەک و دوو کەس نین، بێشومارن. بەڵام ئەمڕۆ گەل هۆشیاری بۆتەوە؛ هەم ئاگادارن و هەم داواکاریان هەیە. جاران ئەگەر ڕووداوێک ڕوویدابا یان دڕندەیی کرابێت، گەل قبووڵی نەدەکرد و وەک ئەمڕۆ داواکارییەکانیان دەخستەڕوو. ئەمڕۆش کوشتنی ژینا ڕوویدا، گەل ناڕەزایی دەردەبڕن و داوا دەکەن دڕندەیی و زوڵم نەمێنێت”.
مەزڵوم حەفتەن ئەندامی مەجلیسی پژاک سەرنجی راکێشایە سەر واقیعی ڕژێمی ئێران و وتی؛ "واقیعی رژێم واقعێکی دیسپۆتیک و دڕندانە و گەندەڵە؛ ناسنامەی رژێم لە لایەن گەل و هەموو جیهانەوە دەزانرێت. ئەگەر ئەمڕۆ سەیری بکەین، چ لە ناوچەکە و چ لە جیهاندا، هەموو مرۆڤەکان، چین و توێژە جیاوازەکان و تەنانەت نەتەوە جیاوازەکانی جیهان، نەک تەنیا گەلی ئێران، بەڵکو هەموو گەلی جیهان، تەنانەت گەلانی دیکەی ئازادیخواز و دیموکرات، سەرقاڵی بەرزکردنەوەی دروشم دژی دەسەڵات و نیشاندانی هەڵوێستن. ئەوان دەیانەوێت ناوەڕۆکی ئەو دەسەڵاتە تەشهیر بکەن، واتە دەسەڵاتێک دژی ژنان و ژیان و ئازادیە. هەر بۆیە ئەمڕۆ گەلان ئەم ڕاستییەیان دەستنیشان کردووە، هێمای سەرکەوتنی خۆیان دیاری کردووە. لەسەر ئەو بنەمایە دەڵێن ژن، ژیان، ئازادی؛ بۆچی؟ چونکە دەزانن دەسەڵات دژی ژنانە، هەر بۆیە دەڵێن ژن. بەپێی ئەوەش، پێویستە پێداگری لەسەر ماف و شوناس و بوونی ژن بکەن و بە پێی راستی ماناکەی تێبۆشن. ژن و ژیان لەبەر ئەوەیە کە دەسەڵاتی مەلاکان هیچ مانایەک و ناوەڕۆکێکی بۆ ژیانی گەل نەهێشتۆتەوە، ئەو گەلەی کە نان و کار و ژیانێکی شەرەفیان هەیە بە مانا فەلسەفیەکە، ئەمڕۆ نانیان نییە، کاریان نییە و ژیانیان نەماوە، داوای ئازادی دەکەن. چونکە دەسەڵات لە بنەڕەتدا دژی ئازادییە، دیموکراسی قبوڵ ناکات و لەسەر بنەمای کۆیلایەتی گەل دەسەڵاتەکەی بەڕێوەدەبات. بەهۆی ئەوەوە گەل ناوی سیمبولەکەیان دۆزیوەتەوە و بە دڵەوە دەڵێن "ژن، ژیان، ئازادی" و ئەو ناوە ڕەمزییە بۆ سەرکەوتن دیاری کراوە. بێگومان ئەمە شتێکی بەنرخە و پێویستە بە ڕێزەوە لێی نزیک ببینەوە”.
هه‌روه‌ها حەفتەن ئاماژه‌ی به گرنگی و مانا رۆڵی سه‌ركرده‌كان و به‌شداریكردن له ناڕه‌زایه‌تی و خۆپیشاندانەکان كرد و بەم شێوەیە درێژه‌ی به قسەکانیدا،"ئەمڕۆ سەرانی ئەم سەرهەڵدانە ئەوانەن کە لە واقیعی ڕژێم تێگەیشتوون، بەتایبەتی ژنان و لاوان، کە دوو هێزی بنەڕەتی و دینامیکی کۆمەڵگان، کە سەرکردایەتی ئەو بزووتنەوەیە دەکەن و بۆ ژیانێکی شکۆمەندانە و ستانداردەکانی ئازادی ئامادەن باجی دیموکراسی بدەن. ئەوان شاهیدی ئەشکەنجە و گرتن و کوشتن و برینداربوون بوون، بەڵام بە هیچ شێوەیەک ئەو دڕندەیی و نادادپەروەرییە و ژیانی کۆیلایەتی قبوڵ ناکەن.
پێویستە گەل ئاگادار بێت
بێ گومان خۆپێشاندانه‌که‌ی ئه‌مڕۆ هه‌ندێک تایبه‌تمه‌ندی دیاریکراو و ناوازه‌ی هه‌یه. هەرچەندە پێش ئێستا هەندێک سەرهەڵدان و خۆپێشاندان لە دژی ئەم دەسەڵاتە هەبووە و گەل بە شێوازی جیاواز داواکارییەکانیان دەربڕیوە و ئەمڕۆش دووبارەکردنەوەی هەمان شتە، درێژەی هەمان پەیام و داواکارییە؛ بەڵام هەندێک تایبەتمەندی هەیە کە بەنرخن. پێویستە گەل بەرەوپێشیان ببات و بیپارێزن و پەرەی پێبدەن. یەکێک لە تایبەتمەندییەکانیی سەرکردایەتی ژنان و گەنجانە. هەرچەندە گەل بەگشتی و چین و توێژ و پێکهاتە جیاوازەکان لەم ناڕەزایەتییەدا بەشدارییان کردووە، بەڵام بەڕاستی ڕۆڵ و سەرکردایەتی ژنان و گەنجان تایبەتە. ئەو هێزانە بە تایبەت ژنان و لاوان، بوونەتە بنەمای گۆڕانکاری گەورە و بنچینەیی کە دەتوانن کرۆکی ژیان و دەسەڵات بگۆڕن. بەشێکی دیکەش ڕادەی ناڕەزایەتی و ناڕەزایەتیەکانە، کە تایبەت نین بە شوێنێک. راستە مەسەلەکە کوشتنی ژینا ئەمینیە بە شێوەیەکی بێ ئەخلاقی و نامرۆڤانانە، بەڵام تەنیا لە نێو کورد و کوردستاندا قەتیس نییە. بەگشتی پێکهاتەکانی ئێران، واتە گەلە جیاوازەکان، لەسەرپێن. هەموویان بە دڕندانە و نادادپەروەرانە زانییان و لەسەر ئەو بنەمایە قبوڵیان نەدەکرد. زۆر کەس دەیانگوت ژینا خوشکی ئێمەیە، کوژراوە، وەک ئەوەی ئەندامێکی خێزانەکەمان بێت. تەنانەت لەوەش زیاتر، وەک بابەتێکی ئەخلاقی و کۆمەڵایەتی و ئینسانی و ویژدان و تەنانەت ئەوانەی ئازادی و دیموکراسییان دەوێت، تەماشایان دەکرد و لەدژی راپەرین. لە باکوورەوە تا باشوور، لە ڕۆژهەڵاتەوە تا ڕۆژئاوای ئێران، هەموو پێکهاتە کۆمەڵایەتییەکان بە هێمای بینراوی سەرەکی ژن، ژیان، ئازادی، دەنگی ئازادی و دیموکراسی بەرز دەکەنەوە. توانیان پێشەنگی بارودۆخی ئێستا بن و گۆڕانکارییەکی کۆمەڵایەتی بنەڕەتی بکەن و توانیان گۆڕانکارییەکی بنەڕەتی لە کۆمەڵگادا بکەن بۆ ئەوەی نەک هەر لە ئێران، بەڵکو لە ڕۆژهەڵاتی ناوەڕاست و تەنانەتدا پێشەنگی ئازادی و دیموکراسی بن لە جیهان. بێگومان هەموو جۆرە نموونەیەک هەیە کە لە ڕاستیدا لە ناوچەکە و نموونە پراکتیکییەکانی دیارن. بەشێکی دیکەش تایبەتمەندیی داواکارییەکان و ڕوونی داواکارییەکان و هاوئاهەنگیە لە داواکارییەکان. ئه‌مه خاڵێکی بنه‌ڕه‌تییه که خۆپیشاندان و راپەرینەکان و داخوازییه‌کانی خه‌ڵک ده‌توانن له‌سه‌ر بڕۆنه پێش و سه‌رکه‌وتوو بن. ئەم خاڵانە بابەتی هەستیار و گرنگ و بنەڕەتین. وەها دۆخێک دروست بووە کە هەموو پێکهاتە کۆمەڵایەتییەکانی ئێران و تەنانەت گەلانی دیکەی ناوچەکە و دەرەوەی ناوچەکە هاتوونەتە سەرخەت بۆ ئازادی. ئەگەر ئەمڕۆ گەل لە ئێران و لە ناوچە و دەرەوەی هەرێمەکە داواکاریان هەبێت، دەنگیان بۆ ئازادی و دیموکراسی بەرز بکەنەوە، ئەوە رەوایەتی داواکاریەکان نیشان دەدات و بە شێوەیەکی سروشتی ناشەرعییەتی بەرامبەر ، واتە ڕژێمی ڤێلایەت فەقیه نیشان دەدات. ( رژێمی ئێران). خاڵێکی گرنگە. بێگومان پێویستە مرۆڤەکان وریا بن و ئاگاداربن. هەم خودی ڕژیم و هەم ئەو گەلەی کە بەداخەوە بە شێوەیەکی کردەیی یان هۆشیارانە لەگەڵ ڕێژیم هاوکاری دەکەن، توانیان ئەم خۆپیشاندان و ناڕەزاییە لەسەر هێڵەکەی دەربهێنن. من پێم وایە گەل ئاگاداری ئەم پرسەیە، بەڵام پێویستە زیاتر هۆشیار بن. چونکە داواکاری گشتی خۆی لەسەر بنەمای ژن، ژیان، ئازادی بنیاتناوە. چونکە ئەمە وەڵامی هەموو کێشەکان و ئەو ئامانجە فرەییانەیە کە هەوڵی بەدەستهێنانی دەدات. پێویستە گەل ئاگادار بێت کە بەداخەوە کەسانێکی قێزەون هەن هەم خودی دەسەڵاتن و هەم ئەوانی ترن، هەوڵ دەدەن راپەرینەکە لەسەر هێڵی خۆی دەربهێنن و لە هەندێک ناوچە و هەندێک شتی بچووکدا سنوورداریان بکەن. چونكه ئێستا ئه‌و ئاڵایه‌ی كه خه‌ڵك هه‌ڵگرتووه، ده‌نگی ئازادی و دیموكراسییه، و نابێت ئازادی و دیموكراسی له سنوورێك یان ناوچه‌یه‌كی دیاریكراو و فه‌رهه‌نگ و زمانێكدا سنوردار بكه‌ین و پێویستە وای ببینین کە موڵکی هه‌موو مرۆڤه‌كانه.
حەفتەن ئاماژەی بەوەدا کە بەداخەوە ئەمڕۆ هەندێک کەس یان تەنانەت زلهێزەکانی جیهان پەیوەندییان لەگەڵ رژێمی ئێران لەسەر بنەمای بەرژەوەندییە بازرگانییەکان هەیە، تەنانەت ئەوانەی دەڵێن ئێمە دژی رژێمین یان ئیدیعای ئازادی و دیموکراسی دەکەن، بەداخەوە تەنیا لەسەر بنەمای ئاسایش و سەربازی یان پرسی بۆمبی ئەتۆمی کە بووەتە کێشەی ئەو دەسەڵاتە مامەڵەی لەگەڵ دەکرێت و وتی؛ "لە بنەڕەتدا ئەوان تەنیا هەندێک لە مەترسییەکانن، بەڵام واقیعی ئەو دەسەڵاتە واقیعی دژە مرۆڤە". ئه‌مڕۆ مه‌ترسی سه‌ره‌کی مه‌سه‌له‌ی ئه‌و بۆمبی ئه‌تۆمییه نییه که له ڕژێمی فه‌قیهدا هه‌یه، به‌ڵکو مه‌سه‌له‌ی مافی مرۆڤ و ئازادی و دیموکراسییه. لە ڕاستیدا مەترسی سەرەکی لە هۆشیاری ئەو دەسەڵاتەدایە. بەهۆی ئەوەوە پێویستە ئاگاداری ئەو ڕاستییە بین کە گوشارەکان بۆ سەر ئەو دەسەڵاتە نابێت تەنیا لەسەر بۆمبی ئەتۆمی بێت کە پێشێلکردنی مافی مرۆڤ و ئازادی و دیموکراسییە. چونکە ئەمڕۆ بەداخەوە ئەو دەسەڵاتە، بۆ بچوکترین شت کە مافی هەموو مرۆڤێکە، لەبری ئەوەی لەسەر بنەمای ئیرادەی ئازادی ئەو رێبازە چارەسەر بکات، بەپێی خۆی دەستوور و یاسا دروست دەکات و جێبەجێی دەکات، کە لە جیهاندا شتێکی بەو شێوەیە نییە و هیچ دڕندەیییەکی لەو شێوەیە لە جیهاندا نییە."
حەفتەن لە درێژەی هەڵسەنگاندنەکانیدا باسی لەوە کرد کە ئەوانەی لە ناوەوە و دەرەوە کە بەڕاستی لەگەڵ ئازادی و دیموکراسین دەتوانن پێکەوەبن بە شێوەیەک کە تەواوکەری یەکتر بن بۆ ئەوەی رژێم ناچار بێت هەنگاوێک بۆ دواوە بنێت و دەشڵێت: ئەگەر ئەو ناڕەزایەتی و راپەرینەی لە هەندێك ناوچەدا روویانداوە سنووردار بمێننەوە و بارگرانی تەنیا لەسەر گەل بێت، ئەوا ئەگەر رژێم دەرفەتی بۆ برەخسێت، دڕندەیی خۆی دەردەخات، بۆیە پێویستە بۆ هەمووان، ڕێکخراوە ئازادیخوازەکان و گەلی ناوچەکە و دەرەوە، پێویستە هەرێم ئاگاداری داواکارییە ڕەواکانی گەل بێت و یارمەتیان بدات بۆ گەیشتن بە داواکارییەکانیان.
پێویستە بەرەیەکی دیموکراسی بنیاتبنریت
ئەمڕۆ بۆ هەموو گەل و گرووپەکانی ئێران دامەزرانی بەرەیەکی دیموکراتیکی جەماوەری پێویستییەکی گەورەیە. پێویستە ئەو راپەرین و خۆپیشاندانە رێکبخرێت. ڕێکخستنی ئەو راپەرینە یارمەتی گەل دەدات خێراتر و وردتر بە داواکارییەکانیان بگات. یەکێک لەوانە پێویستی پێکهێنانی بەرەیەکی دیموکراسی گەلە تا بتوانێت ڕۆڵی مێژوویی خۆی بگێڕێت.
حەفتەن بانگەوازی بۆ هەرێمە کوردی و کوردستانیەکان کرد و وتی "پێویستە بتوانین لە چوارچێوەی دامەزراندنی بەرەی دیموکراتیکی گەل لەسەر ئاستی ئێران، بەرەیەکی دیموکراتیکی کوردی و کوردستانی بنیات بنێین. بێگومان ئەمڕۆ حیزبەکان پێویستە ڕۆڵی خۆیان بۆ ئەوە بگێڕن. بێگومان دامه‌زراندنی به‌ره‌ی دیموکراتیکی گەل، چ له چوارچێوه‌ی کورد و چ له کوردستان، هه‌م له ئێراندا، ته‌نها پشت به لایه‌نه‌کان ناگرێ. حیزبەکان دەتوانن ڕۆڵی پێشەنگی خۆیان بگێڕن. ئەمڕۆ گەل بانگمان دەکات، لەسەر ئەو بنەمایەی کە بەڕاستی ئامادەن ئەو زوڵم و ستەمەی ئێستا قبوڵ نەکەن، ژیان لەسەر بنەمای ژیانێکی شکۆمەندانە بنیات بنێن و باجەکەی بدەن، گەلیش لەسەر ئەو بنەمایە پەیامێکمان پێدەدات. ئه‌گه‌ر ئه‌مڕۆ که‌سێک بڵێت من ئه‌م په‌یامه‌م نه‌بیستووه، من لێی نازانم، مرۆڤایەتیەکەی ده‌خرێته ژێر پرسیاره‌وه، ده‌بێ بپرسێت باروگوزەرانی گەل چۆنه؟ بێگومان مەبەستم بۆ ئەو ناوچانەشە کە زاراوەی لەک و لۆر و کەلهوری تێدایە؛ بە تایبەت بۆ ناوچەکانی ئیلام و لوڕستان و کرماشان بانگەوازی من ئەوەیە کە هەرچەندە هەندێک ناوچە هەستاون، بەڵام شەهید و برینداریش هەیە، رێز و خۆشەویستیمان بۆیان هەیە. کرماشان و شەهاباد و ئیلام و هەندێک ناوچە لە لوڕستان هەستاونەتەسەرپێ، بەڵام کێشەکە لەوەدایە ناتوانین بڵێین تەنها لە هەندێک ناوچەدایە. بەم شێوەیە نییە، ئەگەر بەم شێوەیە وەریبگرین، ئەوا دوژمن سەردەکەوێت. لەو ناوچەیە، واتە لە ناوچەی زاگرۆس، واتە لوڕستان، کرماشان و بەتایبەتی ئیلام، هەندێک شت هەیە کە لە کەلتوری ئێمەدا پیرۆزن. کاتێک شتێکی خراپ دروست دەبێت، وەک لەلای گەلەکەماندا دەوترێت، قیامەت هەستاوە، ئەمڕۆ لە کلتوری ئێمەدا پیرۆزییەکی بەم شێوەیە لە لەچکدا هەیە. ئەگەر ئەمڕۆ دایک و خوشکەکانمان لەچکەکانیان فڕێ بدەنە سەر زەوی و تەنانەت لەچکەکانیان لە سەریان لێبکەنەوە، ئەوە پەیامێک و بانگەوازێکە بۆ ئەوەی ئێمە قبوڵ ناکەن. کەلتوری ناوخۆیی دەزانرێت کە دایکان و خوشکەکانمان لە دۆخە هەستیارەکاندا لەچکەکانیان فڕێ دەدەنە سەر زەوی. ئەمڕۆ دۆخێکی بەم شێوەیەیە، ئەو پەیامە دەنێرن کە پرۆسەکە هەستیارە و پێویستە هەمووان ئەرکی مێژوویی و مرۆیی و کۆمەڵایەتیی خۆمان بەجێ بگەیەنین. شتێکی تر کە لەو ناوچەیە پیرۆزە، کەزیە. ئەگەر ئەمڕۆ بتەوێت دوعا لە کەسێک بکەیت دەڵێت کەزیەکانی لێببێتەوە. باشە دۆخەکە چۆنە کە دایک و خۆشکەکانمان کاریکی بەم شێوەیە دەکەین. پەیامێکمان پێدەدەن، گەلی ئەو هەرێمە پێویستە بەو شێوەیە وەریبگرن. بڵێن ئەو ژنانەی لە ئاستی گشتی ئێران و تەنانەت لە دەرەوەی ئێراندا هەڵدەستن و سەرپۆشیان فڕێ دەدەن، لەچکیان دادەکەنن، پەیامێکمان پێدەدەن، پەیوەندیمان پێوە دەکەن و دەڵێن ئەی ئەو کەسانەی کە تا ئەمڕۆ دەستتان خستووە سەر دەست هیچیان نەکردووە، ئەی گەلانێک کە هەڵوێستێکی ئینسانی و ئەخلاقی و کۆمەڵایەتی و ویژدانانەتان بەرامبەر بە دڕندەیی و ناعەدالەتی ڕژێمی فەقیه نیشان نەداوە و بێدەنگ بوون، یان هەڵوێستتان و وەڵامێکتان نەبووە بۆ ئەو دۆخە . ئەمڕۆ دایک و خوشکەکانمان پەیامێکمان پێدەدەن کە ئەمڕۆ دۆخێکە هەرکەسێک ئەو کارە نەکات پێویستە حساب بدات. واتە هەڵوێست نەگرتن لە دژی ستەم واتە بەشداریکردن لەو زوڵمەدا. بانگەوازی من بۆ گەلی ئەو ناوچانە بە تایبەتی لە لوڕستانەوە تا کرماشان و ئیلام و بە پلەی یەکەم ئەم ناوچەیە و بەگشتی رۆژهەڵاتی کوردستانە کە هەرکەس ئەمڕۆ ئەرکی مێژوویی خۆی بەجێ بگەیەنێت؛ ئه‌مڕۆ ئه‌گه‌ر کورد بە ناوی سیمبولی سه‌ره‌کی "ژن، ژیان، ئازادی" هەستاوە له‌سه‌ر بنه‌مای بیرۆکه و فه‌لسه‌فه‌یه‌کی بنه‌ڕه‌تی و سه‌ره‌تایی له‌دایك بووه و گه‌شه‌ی کردووه و وه‌ڵامی خواستی گەل ده‌داته‌وه، پێویسته هه‌موو لایه‌ک پاڵپشتی بکات و ئەرکی مێژوویی خۆی جێبەجێ بکات. ئەو دەنگەی کە وای کردووە هەموو گەلی ئێران یەک بگرن، پێویستە هەمووان وەڵامی ئەم دەنگە بدەنەوە. پێویستە کاریک بکەن کە رژێمی ویلایەتی فەویە پەشیمان بێتەوە. بۆ ئەوەی ئەم شەڕی تایبەتە ئەنجام بەدەست نەهێنێت پێویستە گەل یەکگرتووە بێت و لەسەر بناغەیەکە کە چارەنوسمان یەکە و ژیان و ئامانج و دوارۆژی ئێمە یەکە و ئەویش پێکهێنانی ژیانێکی شکۆمەندانەیە لەسەر بناغەی پێوانەی ئازاد و دیموکراسی، بۆیەش پێویستە لەسەر ئەم بناغەیە کاربکەین بۆ ئەوەی بتوانین بگەینە ئامانجەکانمان."
مەزڵوم حەفتەن، ئەندامی مەجلیسی پژاک، هەروەها ڕایگەیاند کە کۆمەڵێک داخوازی بەنرخ هەن کە پێویستە ئەمڕۆ گەل کاریان بۆ بکەن و لە درێژەی قسەکانیدا رایگەیاند: "پێویستە هەموومان وەک گەل ئەوەی لە تواناماندا بێت بیکەین بۆ ئەوەی بتوانین بگەینە ئەنجامێک و لە چوارچێوەی ئەو داواکاریانەدا کار بکەین. لەسەر چ بنەمایەک؟ یاسایەک دژی گەل و دیموکراسی و ئازادییە کە لەسەر بنەمای یاسای حیجابی ئیجباریی دامەزرێنراوە. نابێت گەل ئەوە قبوڵ بکات. پێویستە ئەو یاسایانە نەهێڵرێن. ئەو پۆلیسانەی بەناوئ دژی حیجاب پێکهێنراون، هێزە ئەمنییەکان، هێزی تایبەت، ئیتلاعات و سوپا و هەرچییەکن، پێویستە دووربخرێنەوە. ئه‌گه‌ر ئه‌مڕۆ له جیهاندا سوپا وەک تیرۆر دەبینرێت و هیچ هه‌وڵێك بۆ چاره‌سه‌ركردنی ئه‌و ڕاستییه نه‌درێت، ده‌بێت هه‌وڵ بدرێت بۆ تێگه‌یشتن له‌و ڕاستیه‌ی كه جگه له سوپا، هێزه‌كانی تری رژێم کە توندوتیژی له ئاستی نێوده‌وڵه‌تیدا دژی كۆمه‌ڵگا ئه‌نجام ده‌ده‌ن، پێویستە فشارێکی زۆر بۆ ناساندنی ئەو هێزانەی کە بە شێوەیەکی بێ ئەخلاقی و دڕندانە ژینا ئەمینی و گەلی دیکە دەکوژن وەک تیرۆر بناسرێن. یاسایەکی تیرۆر لە دژی ئەوان دەربکرێت. بێگومان داواكارییەكانی دیكەی گەلیش به نرخن و له سه ر ئەوه دامەزراون كه دەبێت گۆڕانكارییەكی بنەڕە تی له دەستووردا بكرێت. لەبەرئەوەی هەموو ئەو کارەسات و ناخۆشیانەی کە ئەم گەلە روبەروی دەبیتەوە، لە مادەکانی دەستوری بنەڕەتیدا هاتووە و ئەمڕۆ لەدژی ئەم گەلە بەکاردەهێنرێت. گۆڕانکاری دیموکراتی دەستوری بنەڕەتی لەسەر بناغەی کە هەموو پێکهاتەکانی کۆمەڵگا و هەموو پێکهاتەکانی ئێران بە هەموو رەنگ و جیاوازیەکانەوە لە دەستوردا هاوبەش بن و پێویستە لەسەر بناغەی دیموکراسی و ئازادی بێت.
من پێم وایە گەلان ئاگادارن. ئەوان بۆیان دەرکەوتووە کە ئارەزووەکانیان و هۆشیارییان گەیشتووەتە ئاستێک کە لە ڕاستیدا لە مردن ناترسن، بەڵکو لە ژیانێکی ناڕەوا و دڕندانە دەترسن، لە کۆیلایەتی دەترسن. بەهۆی ئەوەوە گەل ئاگاداری ماف و شێوازی ژیانی خۆی بووە و چی پێویستە لەسەر ئەو بنەمایەی کە ئیرادەی خۆی هەیە و مرۆڤە و خاوەنی بیر و ئیرادەیە و پێوەرەکانی ئازادی و دیموکراسی دەزانێت؛ لەسەر ئەم بنەمایە هۆشیار بووەتەوە، ژیان و هەموو شتێکی خۆی دەبەخشێت بۆ گەیشتن بە ئاواتەکانی. هەر ئاستەنگ و گرفتێك لەبەردەمیاندا بێت، بە ورەوە بەسەریاندا زاڵ دەبێت و بەرەو سەركەوتن دەڕۆن. ئێمە پێمان وایە هۆشیاری گەل و داواکەیان ڕۆژ لە دوای ڕۆژ بەرفراوانتر و پێگەیشتووتر دەبێت و چەسپاوە. دوژمن هەوڵ دەدات ناکۆکی دروست بکات و ئاستەنگی جیاوازیان بۆ دروست بکات و بەداخەوە هەندێ کەس و لایەن و هێز هەن کە یان بێ ئەوەی بزانن یان تێنەگەن هەندێک شت دەڵێن، کە ڕەنگە ببێتە هۆی لاوازبوونی ناڕەزایەتیەکان؛ لەم بابەتەدا پێویستە وریایی هەبێت بۆ ئەوەی کەس نەکەوێتە ناو ئەو تەڵانەی کە ڕژیم دایناوە."
شەهیدان، شەهیدی ئازادی و دیموکراسین
مەزلۆم حەفتەن ئەندامی ئەنجومەنی پژاک هەڵسەنگاندنەکانی بەم شێوەیە کۆتایی پێهێنا: " لە کۆتاییدا بەرێز و خۆشەویستیەوە یادی هەموو ئەو کەسانە دەکەم کە گیانیان سپارد و ئەوانەی بە راستی پێشەنگایەتی خۆپیشاندان و راپەرین دەکەن، سڵایان بۆ دەنێرم. لەم بڕوایەدام کە خاوەنداریکردن لە شەهیدان بە تایبەتی کە لەم ماوەیەدا شەهید بوون، کە بێگۆمان شەهیدی ئازادی و دیموکراسین و هاوکاریکردنی برینداران، دەبێتە هۆی ئەوەی گەلان زوتتر بگەنە داواکاریەکانیان."
ف.ق
