ناوه‌ندی راگه‌یاندن و چاپه‌مه‌نی هه‌په‌گه رایگه‌یاند، كه له چالاكی گه‌ریلاكاندا ٧ داگیركه‌ر سزادراون، دوو سه‌نگه‌ر، درۆنێك، كامێرایه‌كی حه‌راری و چه‌كێكی ئه‌ی-٤ له‌ناوبراون.
ناوه‌ندی راگه‌یاندن و چاپه‌مه‌نی هه‌په‌گه راگه‌یه‌نراوێكی بڵاوكرده‌وه و تیادا هاتووه، "گه‌ریلاكانی ئازادی كوردستان له‌سه‌ر میراتی قه‌ڵه‌مبازی ١٥ی ته‌باخ كه هاوڕێ عه‌گید به بڕیاردارییه‌كی ئیراده‌ی مه‌زن و به‌ره‌و سه‌رفرازی به‌ڕێوه‌ی ده‌برد پێكیهێنابوو، له به‌رامبه‌ر سوپای توركی داگیركه‌ر شه‌ڕێكی گه‌ره ده‌كه‌ن. هێزه‌كانمان تاكتیكه‌كانی شه‌ڕی سه‌رده‌می نوێیان له ناو یه‌كدا به‌كارده‌هێنن و به ئازایه‌تیه‌كی به‌رزه‌وه، به رۆحی گیانبازیی ئاپۆیی و شێوازی ئه‌نجامگیر له داگیركه‌ران ده‌ده‌ن.
له‌چالاكیه‌كاندا به پێشه‌نگایه‌تی تیمه گه‌ڕۆكه‌كانمان بۆ سڵاوكردن له جه‌ژنی ژیانه‌وه‌ی ١٥ی ته‌باخدا ئه‌نجامیاندا، ٧ داگیركه‌ر سزادران، دوو سه‌نگه‌ر، درۆنێك، كامێرایه‌كی حه‌راری و چه‌كێكی ئه‌ی – ٤ تێكشكێنران.
سوپای توركی داگیركه‌ر گۆڕه‌پانه‌كانی به‌رخودانی ٢ جار به بۆمبی ئه‌تۆمی تاكتیكی و چه‌كی كیمیایی، ١٩ جار به فڕۆكه‌ی شه‌ڕ، ١٥ جاریش به هه‌لیكۆپته‌ری هێرشبه‌ر و به ده‌یان جاریش به تانك و كاتیوشا بۆردومان كرد.
زانیاری له‌سه‌ر چالاكی و هێرشه‌كان به‌م جۆره‌یه:
١.له چوارچێوه‌ی هه‌ڵمه‌تی شۆڕشگێڕیی هه‌ڵۆكانی زاگرۆس له هه‌رێمی زاپ
رۆژی ١١ی ئاب كاتژمێر ٠٥:٣٠ به‌سه‌ر سه‌نگه‌ره‌كانی شه‌ڕ له گۆڕه‌پانی به‌رخودانی چه‌مچۆ درۆنێك ده‌سوڕایه‌وه. تیمه گه‌ڕۆكه‌كانمان له درۆنه‌كه‌یاندا و خستیانه‌خواره‌وه. ئه‌و درۆنه كه خرایه خوار له لایه‌ن هێزه‌كانمانه‌وه ده‌ستی به‌سه‌ردا گیرا.
له ١١ی ئابدا كاتژمێر ١٢:١٠ تیمه گه‌ڕۆكه‌كانی یه‌ژه‌ئاستارمان به چه‌كی قورس له داگیركه‌ران له گۆڕه‌پانی به‌رخودانی ئه‌شكه‌وتی بریندارانیاندا، سه‌نگه‌رێكی ئه‌ی -٤ و چه‌كێكی ئه‌ی -٤ له ناویدا تێكشكان.
له ١١ی ئابدا كاتژمێر ١٦:٠٠ ئۆتۆمبێلێكی حه‌فاره كه ده‌یویست له گۆڕه‌پانی به‌رخودانی شه‌هید شاهین رێگای سه‌ربازی بۆ داگیركه‌ران دروست بكات، له‌لایه‌ن هێزه‌كانمانه‌وه گورزی لێدرا. دوای گورزی هێزه‌كانمان، داگیركه‌ران ناچاربوون كار به حه‌فاره‌كه رابگرن.
له ١١ی ئاب كاتژمێر٠٠:٠٠ داگیركه‌ران له گۆڕه‌پانی به‌رخودانی چه‌مچۆ له‌لایه‌ن تیمه گه‌ڕۆكه‌كانمانه‌وه به چالاكی هه‌ماهه‌نگی گه‌ریلا و تاكتیكی چه‌كی قورس لێیاندرا. له‌و چالاكیه‌دا ٥ داگیركه‌ر سزادران.
٢. له چوارچێوه‌ی هه‌ڵمه‌تی شۆڕشگێڕیی جه‌نگی خابوری شه‌هید ساڤاش مه‌رعه‌شدا
له ١١ی ئابدا كاتژمێر ٢٢:٤٠ تیمه گه‌ڕۆكه‌كانمان به چه‌كی نیمچه‌ئۆتۆماتیك له دژی قه‌ره‌قۆڵی كانی ماسی له مه‌تینا چالاكییه‌كیان سازكرد. له‌و چالاكیه‌دا ٢ داگیركه‌ر سزادران، سه‌نگه‌رێك و سیستمێكی كامێرای حه‌راری تێكشكێنران.
له ١١ی ئابدا كاتژمێر ١٨:٢٠ تیمه گه‌ڕۆكه‌كانمان به چه‌كی سوك له داگیكه‌رانیاندا. داگیكه‌ران كاتێك ویستیان سه‌نگه‌ره‌كانی شه‌ڕ له گۆڕه‌پانی به‌رخودانی شاخی جودی به بۆمبی ئه‌تۆمی تاكتیكی و چه‌كی كیمیایی بۆردومان بكه‌ن، هێزه‌كانمان له‌وانیاندا. دوای ده‌ستوه‌ردانه‌كه، داگیركه‌ران ناچاربوون تائاستێك بكشێنه‌وه.
٣. هێرشه‌كانی سوپای توركی داگیركه‌ر به بۆمبی ئه‌تۆمی تاكتیكی و چه‌كی كیمیایی:
له١١ی ئابدا تونێله‌كانی شه‌ڕ له گۆڕه‌پانه‌كانی وه‌رخه‌لێ و چه‌مچۆ دوو جار به بۆمبی ئه‌تۆمی تاكتیكی و چه‌كی كیمیایی بۆردومان كران.
٤. هێرشه‌كانی سوپای توركی داگیركه‌ر به تانك، كاتیوشا، چه‌كی قورس، هه‌لیكۆپته‌ر و فڕۆكه‌ی شه‌ڕ:
له ١١و ١٢ ی ئابدا له شاخی ئامێدی، شاخی جودی، شاخی ئێف ئێم و گۆڕه‌پانه‌كانی به‌رخودان فڕۆكه‌ی سیخوڕی سوڕانه‌وه.
له ٢٨ی ته‌مموز له گۆڕه‌پانی دۆڵی ئاڤاشین ٢ جار فڕۆكه‌ی شه‌ڕ بۆردومانیان كرد.
له ١١ی ئاب گۆڕه‌پانه‌كانی گوندی گوزه، شاخی زه‌نگیل، دۆڵی مێران، گوندی بێداد و ده‌شتی كافیای گاره ١٢ جار به فڕۆكه‌ی شه‌ڕ بۆردومان كران.
له ١١ و ١٢ی ئاب گۆڕه‌پانه‌كانی به‌رخودانی شاخی به‌هار، شاخی ئامێدی، ساجا و سیدا ٥ جار به فڕۆكه‌ی شه‌ڕ بۆردومان كران.
له ١١ی ئاب گۆڕه‌پانه‌كانی به‌رخودانی شاخی ئێف ئێم، شاخی جودی و شاخی ئامێدی ١٥ جار به هه‌لیكۆپته‌ری هێرشبه‌ر بۆردومان كران.
له ١١ی ئابدا گۆڕه‌پانه‌كانی به‌رخودانی شاخی هه‌كاری، شاخی ئێف ئێم و ئه‌شكه‌وتی برینداران به ده‌یان جار به تانك، كاتیوشا و چه‌كی قورس بۆردومان كران".
هـ . ب
