هەپەگە: لە دژی تونێلەکانمان ١١ جار چەکی قەدەغکراوی کیمیاوی بەکار‌هێنراوە
ناوەندی ڕاگەیاندن و چاپەمەنی هەپەگە ڕایگەیاند، دەوڵەتی داگیرکەری تورک لە دژی تونێلەکان لە گۆڕەپانی بەرخۆدانی ئێف ئێم لە هەرێمی ڕۆژئاوای زاپ ١١ جار چەکی کیمیاوی بەکارهێناوە.
ناوەندی ڕاگەیاندن و چاپەمەنی هەپەگە ڕاگەیاندراوێکی بڵاوکردەوە و ئاماژەی بەوەدا هێرشەکانی دەوڵەتی قڕکەری تورک بە چەکی کیمیاوی بەردەوامە، درۆنێکی بۆردوومانکەر بە چالاکی نیشانەشکێنی گەریلا تێکشکێنراوە.
ناوەندی ڕاگەیاندن و چاپەمەنی هەپەگە پەیوەست بە چالاکیەکانی گەریلا و هێرشەکانی سوپای داگیرکەری تورک ئەم زانیارییانەی بڵاوکردەوە:
" لە هەرێمی شەهید دەلیلی ڕۆژئاوای زاپ؛
١٥ی گوڵان کاتژمێر ٠١:٣٠٠ خولەک لە گۆڕەپانی بەرخۆدانی شاخی ئێف ئێم لە بەرامبەر داگیرکەران کە هەوڵیان دەدا تەقەمەنی قەدەغەکراو لە سەر تونێلەکانمان بەکاربهێنن، بە چەکی تاکە کەسی بەرپەرچییان درایەوە و ڕاوەستێنران.
١٥ی گوڵان کاتژمێر ١٢:١٦ دا لە گۆڕەپانی بەرخۆدانی شاخی ئێف ئێم بە چالاکی نیشانە شکێنی گەریلا درۆنێکی بۆردوومانکەر تێکشکێنرا.
١٥ی گوڵان کاتژمێر ١٧:٠٠ لە گۆڕەپانی بەرخۆدانی شاخی جودی لە لایەن هێزەکانی یەژا ستارمانەوە بە چەکی قورس گورز لە داگیرکەران خرا.
هێرشەکانی سوپای دەوڵەتی داگیرکەری تورک بە تەقەمەنی قەدەغەکراو؛
لە ١٥ و ١٦ی گوڵان لە گۆڕەپانی بەرخۆدانی شاخی ئێف ئێم لە هەرێمی شەهید دەلیلی ڕۆژئاوای زاپدا ١١ جار بە گازی ژەهراوی کیمیاوی هێرش لە دژی تونێلەکانمان ئەنجامدراوە.
١٥ی گوڵان کاتژمێر ١٧:٤٥ خولەک لە گۆڕەپانی بەرخۆدانی شاخی ئامێدی یەکجار بە چەکی قەدەغەکراو بۆردوومانکرا.
هێرشەکانی سوپای دەوڵەتی قڕکەری تورک؛
١٥ی گوڵان لە گۆڕەپانی بەرخۆدانی دەرگەل لە هەرێمی مەتینا ٣ جار بە فرۆکە بۆردوومانکراوە.
لە ١٥ و ١٦ی گوڵان گۆڕەپانەکانی بەرخۆدانی شێلازێ، قەسرۆک و گۆلکای هەرێمی مەتینا بە هەلیکۆپتەر بۆردوومانکران."
