ئەرەنیشتې کەمپو گەشمەرڎە ڕوسەم جودی مەخموری سەبارەت بە بێدەنگی ڕەجەب تەیب ئەردۆغانی، سەرۆککۆمارو تورکیای دماو بانگەوازو "ئاشتی و گلېرگەو دیموکراتیک"ی کە جە لایەنو ڕابەر ئاپۆیۆ پێشکەش کریا و کاریگەرییەکاو جەنگو ئێرانی و ئیسرائیلی سەرو ئی پرۆسەیە، پەی ئاژانسوو هەواڵوو فوراتی (ANF) قسێشا کەردۍ.

ئەرەنیشاتا کەمپەکەی جەختشا چانەی کەرڎۆ کە ئەر گۊش جە بانگەوازو ڕابەر ئاپۆی گیریۆنە نەک تەنیا تورکیا بەڵکم گرڎو ۋەرکۊتوو مېیامینیچ قازانج مکەرۆ.

ئەڎێوە بە نامې حەلیمە ئیشیکۍ ۋەرا ۋەر بە بێدەنگیی ئەردۆغانی سەبارەت بە پرۆسەکەی کەروەدایش نیشانەدا و  واتش: "ڕابەر ئاپۆ داواو کەردەیۆ ڕاو ئاشتی، واڵە و برایەتی و چارەسەری گرفتەکا کورد و تورکی مکەرۆ، سەرەتا پاسە دیار بې  کە دەوڵەت باخچەلی پەی ئاشتی هەنگامە منیۆ، بەڵام جە پرۆسەو ئی دماییەینە ئا هەنگامې دڵسۆزانە نمەوینیا، پەکەکە داواو کەردەیۆ ڕاو ئاشتی، واڵە و برایەتی و چارەسەرو گرفتەکا کورد و تورکی مکەرۆ، سەرو ئا بنەمایې ئاېێربەسش ئەرەیاۋنا، بەڵام تورکیا هەڵای جوابش نەڎانۆ و هرووژمەکېش چڕتەرې کەردێنێوە، جە کاتێنە تورکیا ئەشیې هرووژمەکېش مردنېنې، ئەر تورکیا گەرەکش بۆ چنی گەلو کوردی ئاشتی بکەرۆ، مشۊم گرفتەکاش چنی کوردی چارەسەر بکەرۆ، ئەرنا ئاسەوارەکېش سەرو تورکیای قورستەر مردا.

ڕابەر ئاپۆ ١٥ساڵێ وەڵێ ئیسەی داواش جە تورکیای، ئێران و بەشار ئەسەدی کەرد کە بە ڕاو  ئاشتی کێشەکا چارەسەر بکەرا، بەڵام گۆش چی بانگەوازەیە نەگیریا. تورکیا بەساڵانە دژو پەکەکەی چەکی کیمیاوی بەکار مارۆنە، بەڵام هیچ حکومەتێوە جە دژو کاروەدایش نیشانە نەرا. تورکیا جە لایێ بە ڕاو گرڏی جەهانی ماچۆنە: "چنی کوردی ئاشتی مکەرمێ"، بەڵام جە لێوەتەرۆ دژایەتی و هرووژمەکێ بەردەوامێنێ. ئێمە چیتر کوردێ وەڵینێ نییەنمێ و تەسلیمیەت قبووڵ مەکەرمێ.

ڕابەر ئاپۆ هەمیشە پەی چارەسەری هەنگامەش نیێنە

قەسری شریشەی بە جەختکەردەیۆ سەرو  ئانەی کە ئا پرۆسەی کە ڕابەر ئاپۆ دەسش پنە کەردەن بە شێوێ تاکلایەنە بەردەواما، واتش: "لایەنی وەراوەر تا ئیسە هیچ هەنگامێوە کردەییش نەنیان. جوابدایۆ بانگەوازییەکەو ڕابەر ئاپۆی، وتارەکێ دۆڵەتو باخچەلی بی جە پەرلەمانە. ڕابەر ئاپۆ، هەتا ئیسە چنین جارێ ئایێربەستەیش ئەرەیاونان، پەی نموونەی جەلایەنو جەلال تاڵەبانیۆ ساڵە و ١٩٩٣، دەسش بە هەنگام نییای کەرد بەڵام ئی پڕۆسە بە مەردەی گوماناوی سەرۆک کۆمارو ئا کاتەی تورگوت ئۆزالی دمایش ئاما، چا کاتۆ تا ئیسە پەی بەردەی وەڵێ پرۆسەو چارەسەری ڕابەر ئاپۆی هەنگامی فرەش نیان، بەڵام حکومەت و دۆڵەت و تورکیای هیچ هەنگامێوە ئەرێنیەشا نەنیێنە. دۆڵەت تەنانەت دلێ وێشانە یۆگێرتێ نییەنێ بڕێشا ئینێ چنی گفتوگۆی، جەکاتێنە بڕێ تەرێ - بەتایبەتی ئەردۆغان و نوێنەرێ ئیسە و حکومەتی - هەڵوێسێوە جیاواز نیشانە مرانە.یانێ گەرەکشانە جەبەرژەوەندی وێشانە پرۆسەکەی بەرا ڕاوە.

جەنگو بەینو ئیسرائیلی و ئێرانی جە ئیسەنە کاریگەریش سەر و گرڏ و جەهانی هەن. بەڕاو من مامەڵەو دۆڵەتو تورکیای چی بارۆ هەم زەرەر بە تورکیای و هەم گلێرگە و تورکیای یاونۆنە. ئێمە پێسە و کوردی و جمیەرە سیاسییەکا کوردی، لایەنو هیچ کامێ چی جەنەگەیە نییەنمێ. ئێمە گەرەکمانە بە هێڵەکا ڕابەر ئاپۆی مافەکا وێما بەدەس بارمێنە. ئەر حکومەتو تورکیای بە دروسی گۆش چی بانگەوازەی و ڕێنماییەکا ڕابەر ئاپۆی گێرۆنە، نەک تەنیا تورکیا، بەڵکوم پەی گرڏ و وەرکەوتوو دلێڕاسەی چا بارۆ قازانج وینۆ. پۆکەی پەنەوازا گرڏ و گەلا وەرکەوتوو دلێڕاسەی و بەتایبەتی گلێرگە و کوردی و لایەنە پەیوەندیدارەکا تەری جە ڕاو گفتوکۆی جە چوارچێوەو بانگەوازییەکە و ڕابەر ئاپۆی کێشەکا چارەسەر بکەرا."