تەڤگەری ژنانی ئازاد (تەژەئا) لە ناوچەی وێرانشاری ڕحا بە ڕێپێوانێک کۆمەڵکوژییەکانی سەر ژنانی شەرمەزار کرد. لە پارکی شارەوانی ڕێپێوان و ڕاگەیاندراو ئەنجام درا، هاوسەرۆکانی شارەوانی وێرانشار بەدریە یۆرگون و ژنانێکی زۆر بەشدار بوون، هەروەها گوڵسوم ئۆجالان ڕاگەیاندراوەکەی خوێندەوە. 

گوڵسوم ئۆجالان ئاماژەی بەو کۆمەڵکووژییانەدا کە لەم دواییانەدا زیاد بوونە و گوتی: "دەزانین عەقڵیەتی دەوڵەت و سیاسەتەکانی بێ سزا هێشتنەوە ژنان تیرۆر دەکەن. هەربۆیە هەمیشە دەڵێین؛ 'کۆمەڵکووژی ژنان سیاسییە.' بانگەواز لە هەموو ڕێکخراوە جەماوەرییە دیموکراتیکەکان دەکەین؛ بە کۆمەڵکووژی ژنان و منداڵان، دەستدرێژی بڵێین بەسە. لە دژی کۆمەڵکووژییەکان بێدەنگ نەبین." 

چالاکییەکە بە دروشمی "ژن، ژیان، ئازادی" و چەپڵە لێدان کۆتایی هات.