زوانبێرگ پێشوازیش جە ئیرادەو ئاشتی ڕابەر ئاپۆی کەرڎ
ڕۆجێر ڤان زوانبێرگ کە سەرو تاریخو ئەفریقای هەرمانەی فرێش کەردێنە و جە چڼین هەرمانې گرنگێنە سەرمەشقیش کەرڎەن، پاڵپەشتیش جە 'بانگەوازو ئاشتی و گلېرگەو دیموکراتیک'ی ڕابەر ئاپۆی کەرڎ.
دکتۆر ڕۆجێر ڤان زوانبێرگ جە پەیامەکەشەنە ئەرەیاۋناش، ڕابەر ئاپۆ دماو زینانیکەردەیش هەوڵو ئێستەیۆ چارەسەرێوە ئاشتیانەیش پەی کورد و تورکی دان.
پەیامەکەو زوانبێرگی پی جۊرەنە:
"ئا ئیرادەو ئاشتیی کە دماین سەرهۊردای کوردیش ئارڎ ئاراوە، یاگې فەخریا، دەزگاو وەڵاکەردەیۆ 'کتێبو پلوتۆ'ی کە ساڵۊو ١٩٨٧من ڕاوەبەریش کەرێنا، جە ١٠ساڵو سەرەتاو سەدەو ٢١ ینە چڼین کتێبې ڕابەرو گەلو کوردی عەبدوڵا ئۆجالانیش وەڵې کەردێوە. ئۆجالان چا ڕوۆن کە بریان دوورگەو ئیمرالی کتێبش نویستەن و هەوڵو ئێستەیۆ چارەسەرێوە ئاشتیانەیش پەی کورد و تورکی دان، هیواڎارەنا پڕۆسەو ئاشتی جە ئەزموونو کاتینە سەرگنۆ. مەشۆم هەر دووە گەل ئیتر بتاوا بە ڕۆحێوە دۆسانۆ پێوەرە بژیوا."
