سەرۆکایەتیی کۆمارو عێراقی، مەراسیمو سۆچنای چەکەکاش جە لایەنو گرووپو ئاشتی و گلېرگەی دیموکراتیکیوە پېسە هەنگامېوە تاریخی وەسف کەرڎ و واتش: "پەنەوازا گرڎو لایەنەکا پابەڼې پارېزنای ئاشتی و سەقامگیری با و مافە ڕەواکې گرڎو لایەنەکا گەرەنتی بکریا".
جە چوارچێوەو بانگەوازەکەو ٩ و تەمموزو ڕابەر ئاپۆی ، جە نزیک مەڕەو جاسەنەی جە ناوچەو دوکانی، بە سەرمەشقایەتی هامسەرۆکۊو کۆنسەو ڕاوەبەری کەجەکەی بەسێ هۆزاتې، گرووپێوە گەریلای کە جە ٣٠ کەسا پێکئې، بە ئیرادەو ئازادیی ۋێشا، چەکەکێشا دلېنەبەردې.
نووسینگەو ئەرەیاۋنای سەرۆکایەتیی کۆمارو عێراقی دەربارەو مەراسیمەکەی پەیامێوەش وەڵا کەرڎۆ.
جە ئەرەیاۋناکەینە ئاماژە پانەی کریان، سەرۆکایەتیی عێراقی بەگەرمی پێشوازی جە هەنگامەکې گەریلاکاو پەکەکەی مکەرۆ پەی ئاشتی و ئاسایشو هەرێمەکەی.
جە پەیامەکەنە وچیان: "مەراسیمو سۊچنای چەکەکا، هەنگامېوە تاریخیەی گرنگەنە پەی دمایئاردەی بە جەنگێوە کە دەیان ساڵێن بەردەواما. ئی هەنگامې ئاسۆو ئایندەی ڕۆشن مکەرۆوە و دەرفەتو ئاشتی و پێوەرە ژێۋای جە ناوچەکەنە فەراهەم مکەرۆ. مەشۆم گرڎو لایەنەکا پېوەسې با بە ئاسایش و سەقامگیری ناوچەکەیۆ، هەرپاسە پەنەوازا جە ڕوو یاساییۆ گرەنتی ئا پرۆسە گرنگەیە بکریۆ کە گرڎو لایەنەکا چنەش ئیسفاڎە بک ەرا".
