گرووپێوە جە گەریلاکا ئازادی کوردەسانی کە پێکئامێبێنێ جە ١٥ ژەنێ و ١٥ پیا بێنێ و بە گرووپو 'ئاشتی و گلێرگە و دیموکراتیک'ی جە ١١ـو تەممووزی مەراسیمێوە تاریخیشا ئەنجام دا. گرووپەکە وەڵێ ئەنجامداو مەراسیمەکەی گلێرێ بیێنێوە. سەرەتا تەماشە و پەیامە ڤیدۆییەکەو رابەر ئاپۆی مکەرا. چنی دیمەنو بەرکەوتەی و قسەکەردەو ڕابەر ئاپۆی، گرووپەکە پێوەرە بەوپەڕو جۆش و مۆراڵۆ درووشمەکا "بژیوۆنە سەرۆک ئاپۆ"، "بە گیان و بە ڕووح ئینایمێ چنیت ئەی سەرۆک"، "بێ سەرۆک ژیوای مەبۆ"، "ژەنی، ژیوای، ئازادی" و "بژیوۆنە پارتو کرێکارا کوردەسانی" ماچاوە.

خەباتێوە تاریخی

دما و تەماشاکەردە و دیمەنو ڕابەر ئاپۆی، هامسەرۆکە و کۆنسەو ڕاوەبەری کەجەکەی، بەسێ هۆزاتە پەی گەریلاکا وتارێوە بە جۆش و تاریخییە مرۆ.

وتارەکێ بەسێ هۆزاتێ پی جۆرێنە:

"ئارۆ چێنە پەی هەرمانێوە گرنگە و تارخیە گلێرێ بیێنمێ. پێسە گرڏ و هەڤاڵایش مزان، جە ساڵە و ٢٠٢٤نە پرۆسەکە یاوا قۆناغێوە تازە. ماوەو دە ساڵ زیاتەرا گەل و تەڤگەرما چێرو هەڕەشێ هێرشەکا دۆڵەتو تورکی قڕکەرینە. سەرەڕاو گردو هرووژمەکا بەڵام دۆڵەتو تورکی نەیاوا بە ئامانجەکەیش.

گەریلا چی پرۆسەنە مڏرامانێوە گۆرەش نیشانەدا. چێوە سڵام چا هەڤاڵا مکەرمێ کە پەرەشا پی مڏرامانەیەدان و بە ڕێز و شکۆوە یاڏ و هەڤاڵا گەشمەرڏەیما مکەرمێوە. جە سەیە و مڏرامان و ئاریشاوە پلانەکا دووژمنی پوچەڵێ بیێنێ. سوپاو دۆڵەتو تورکی، بە تایبەت جە مەتینا و زاپ ئەرەبڕای ژیوایشا ئەنجام دا. ئامانجشا بێ جە ماوەو یەرێ ساڵانە وێشا یاونا قەندیل. بەڵام ئی پلانێشا سەرش نەگێرتە و مەڕیا.

ئی مڏرامانە نەک بە تەنیا جە کەشەکانە، بەڵکوم جە دڵو گەلەکەیمانە چەکەرەش کەردەن و گۆرە بییەن. جە گرڏ و پارچەکا کوردەسانی گرڏ کاتێ گەلەکەما زینە بییەن و پشتگیریشا جە تەڤگەریما کەرد. مڏرامان و گەریلای بوێریێ گۆرەش دا بە گەلەکەیما. جە سەیە و ئی ئیرادە هامبەشەیۆ، ئارۆ تەڤگەرما زینەن و بەشێوێ بەهێزتەر درێژە بە ڕاپیمای ئازادی وێش مرۆ.

حەر پێسە ڕابەر ئاپۆ ماچۆ: "پەنەوازا جە گرڏ یاگێنە کۆمۆنە وەش کریۆ." ئینە گوزارشت جە ئیرادەو وێڕاوەبەری و خۆسەری مکەرۆ. ئینە هێڵە و خۆسەرینە. تەڤگەرما گەرەکا نەک بە تەنیا جە کوردەسانەنە، بەڵکوم جە تورکیا، ئێران و عێراق پەرە پی هێڵەیە مرەیمێ. چی ڕێوە گەرەکشا هەم ئازادی گرڏ و کوردەسانی و هەمیچ دیموکراتیزەکەردە و تورکیای پێکبێنە."

دەستپێکێوە تازە

جە دیمەنەکەنە فرە بە ئاشکرا بەرگنۆ، کاتێ گەریلاکا ئازادی کوردەسانی، دەنگ و ڕەنگو ڕابەر ئاپۆی مشنەوا، جۆشوخرۆشێوە ناوازە گێرۆشا. گەریلاکێ ئەرەیاوناش ئی دەقە دەستپێکێوە تازە و جە ئەڏابییەیۆن و ماچانە: "هەنگامەی تازێ گێرمێنە وەر و گنمێ ڕا پەی گەشنایۆ ئا ئێرەی مەزڵوم، زەکییە و ڕەهشانەکا گوڕشا پنە دان. ملمێ ڕێنەماییەکا ڕابەر ئاپۆی جابەجێ مکەرمێ."