بە سەرمەشقایەتی دەم پارتی و دەبەپەی فرەو شارەکانە گلېرۊبیەو گەلی ئەنجام دریا. جە گلېرۆبیەکانە متمانە بە ڕابەر ئاپۆی ئەسرار کریاوە و داوا جە دۊڵەتو تورکی کریا پەی پڕۆسەو چارەسەری هەنگامەی ڕۊشنە هۆرگێرۆ.
بە سەرمەشقایەتی پارتو یەکسانی و دیموکراسی گەلا (دەم پارتی) و پارتو هەرێمە دیموکراتیکەکا (دەبەپە)ی جە چڼین شارانە گلېرۊبیەکې گلېرگەو دیموکراتیکی ئەنجام دریې. جە گلېرۆبیەکانە جە شارەکاو؛ گەڤەر، ئێلح، سێرت، ئاگری، ڕحا، شەرناخ و جولەمێرگەنە ئەنجام دریا، پېوەس بە پڕۆسەکەی گەل ئاگاڎار کریاوە و پێشنیار پەی چارەسەری کریا.
جە گلېرۆبیەکانە گرنگی ئاشتی، چۆڵکەردەی زینانەکا، متمانە کەردەی بە ڕابەر ئاپۆی، تەڤگەرو کوردی و پرسو ئانەی کە مەشۆم دۆڵەت هەنگامېوە ڕۊشنە هۊرگێرۆ هۊرسەنگنایش پەی کریا.
پەرلەمانتارەو شەرناخو دەم پارتی نەورۆز یوساڵ ئاسڵانە بەشدارەو گلېرۊبیەکا مېیانو شەرناخ ئەمەرکۆی، گەڕەکۆو یافەسی جزیرەی و دەگاو کارۆخی و دەگاو بانهەی هەزەخی بیە.
نەورۆز یوساڵە واتش: "ئارۆ جەهانەنە بە سیاسەتو سەپنای یەکپەرەسی، سیستەم نمەلۆڕاوە. بانگەوازو ئاشتی و گلېرگەی دیموکراتیک پەی تەمامو گەلا ڕزگاریییا."
جە گلېرۆبیەکانە بانگەوازو ئاشتی و گلېرگەی دیموکراتیکو ڕابەر ئاپۆی ۋنیاوە و گەل پاڵپەشتی تەمامو ۋێش پەی پڕۆسەو دیموکراتیکی ئەسرار کەردۆ.
