لەبەر ئەوەی هەواڵی پەیوەندیدار بە دوو هاوڵاتیان بڵاوکردووەتەوە کە لە هەلیکۆپتەرەوە لە ناوچەی شاخ خرابوونە خوارەوە، سەبارەت بە خاوەن ئیمتیازی ئاژانسی مێزۆپۆتامیا فەرهات چەلیک و خاوەن ئیمتیازی ژیان ئیدریس یایلا دۆسیە کرایەوە.
بەهۆی هەواڵی "هەمان دادوەر بڕیاری دەستگیرکردنی رۆژنامەوانانی داوە" لەبارەی دوو هاوڵاتی کە لە ناوچەی شاخی وان لە هەلیکۆپتەرەوە خرابوونە خوارەوە، سەبارەت بە خاوەن ئیمتیازی ئاژانسی مێزۆپۆتامیا فەرهات چەلیک و خاوەنی ئیمتیازی ژیان ئیدریس یایلا کە هەمان هەواڵی بڵاوکردبووەوە لێپرسینەوە دەستپێکرابوو. لێپرسینەوە لەبارەی رۆژنامەوانان کۆتاییهات و سکاڵانامە ئامادەکرا.
داواکاری گشتیی کۆماریی لە وان لێپرسینەوەی لەبارەی چەلیک و یایلا لە ٩ی ئاب تەواو کرد و سکاڵانەی بۆ دادگای سزای قورسی دووەمینی وان نارد. دادگاش سکاڵانامەکەی قەبوڵ کرد و لە ٢٢ی تشرینی دووەمدا یەکەم دانیشتنی دادگا ساز دەکرێت.
لەناوچەی شاخی وان دوو هاوڵاتی بەناوەکانی سەروەت تورگوت و عوسمان شیبان لە هەلیکۆپتەر خرابوونە خوارەوە و دوای ئەوەی دەستگیرکرابوون. تورگوت دوای ماوەیەکی کەم لە رووداوەکە ژیانی لەدەستدابوو، ئەو رۆژنامەوانانەشی کە رووداوەکەیان بڵاوکردبووەوە دەستگیر و زیندانی کرابوون.
هـ . ب
