سزای زیندان بەسەر ٩ کەسدا سەپێندرا کە چاودێری پرۆسەی کشانەوەیان دەکرد
سزای ٦ تا ٧ ساڵ زیندان بە سەر ٩ کەسدا سەپێندرا کە چاودێری پرۆسەی کشانەوەی گەریلاکانی هەپەگەیان کردبوو.
لەبارەی دۆسیەی دادگایی کردنی ٩ کەس لە لیژنەی چاودێری پرۆسەی کشانەوەی گەریلا، کە تۆمەتی 'ئەندامبوونی رێکخراو'یان ئاراستە کرابوو بڕیار درا. لە نێوان شەش ساڵ و سێ مانگ بۆ ٧ ساڵ و شەش مانگ سزای زیندان بە سەر ئەو نۆ کەسەدا سەپێندرا کە ٣ی حوزەیرانی ٢٠٢٢ لە وان دەستگیرکرابوون و ٢٠ ئەیلولی هەمان ساڵ ئازاد کرابوون.
دەستیە دادگا بە تۆمەتی 'ئەندامبوون لە رێکخراو' سزای ٧ ساڵ و شەش مانگ زیندانی بەسەر عەبدولکەریم دورماز، هارون ئۆکتای و ئاتیلا کوملی و بە هەمان تۆمەت سزای شەس ساڵ و سێ مانگ زیندانی بەسەر بەهیجە ئابی، ئەڤین کەسکین، عومەر ئیشک، ساڵح ئیپەک، یەعقوب ئاسلان و یەڵماز بەکردا سەپاند.
هـ . ب
