ئەمڕۆ لە گوندی بارێ سەر بە شەنگال بەپێشەنگایەتی مەجلیسی ژنانی هەرێمی عەرەبی شەنگال، سەدان ژن بۆ ئازادی جەستەیی ڕێبەری گەلی کورد عەبدوڵا ئۆجالان و خۆبەڕێوەبەری شەنگال ڕێپێوانیان کرد.

ژنان لە چالاکییەکەدا، وێنەی ڕێبەری گەلی کورد عەبدوڵا ئۆجالان و درووشمی "بێ سەرۆک ژیان نابێ"یان بەرزکردەوە و ڕاگەیاندراوێکیان خوێندەوە.

لە ڕاگەیاندراوەکەدا، وەک ژنانی عەرەب بەشداری خۆیان لە هەڵمەتی "ئازادی بۆ عەبدوڵا ئۆجالان، خۆبەڕێوەبەری بۆ شەنگال" ڕاگەیاند و گۆشەگیرییان شەرمەزارکرد، دووپاتیان کردەوە، ئەو سیاسەتەی دژی ڕێبەری گەلی کورد عەبدوڵا ئۆجالان ئەنجام دەدرێت دژی هەموو گەلان بەڕێوەدەچێت، گوتیان: "ئێستە دەبینین وڵاتانی سەردەست هێرش دەکەنە سەر ئیرادەی گەلان، بەتایبەت ئەو شوێنانەی بە فیکر و ڕامانی رێبەرێتی خۆیان ڕێکخستووە. لەبەرئەوەی دەسەڵاتداری دەوڵەتان لەسەر خۆمان قبووڵ ناکەین. بۆیە هێرش دەکەنە سەرمان و دەمانکەنە ئامانج و پیلانمان لە دژی دەگێڕن. ٩ ی تشرینی یەکەمی ٢٠٢٠ ئەو ڕێککەوتنەی لەنێوان حکومەتی کازمی و پەدەکەی بارزانی واژۆکرا، هێرشە بۆ سەر تەواوی پێکهاتەکانی شەنگال و ئیرادەیان. هەروەها درێژکراوەی پیلانگێڕیی سەر ڕێبەر ئاپۆیە.

بۆیە ئازادی ڕێبەر ئاپۆ بۆ کۆتاییهێنان بە ناهەقی و پێشخستنی ئاشتی لە هەموو جیهانە. بۆیە وەک ژنانی عەرەب تێکۆشانی خۆمان بۆ ئازادی جەستەیی ڕێبەرمان بەردەوام دەکەین. ڕێبەرێتی وەک ڕووناکییەک، ڕێگەمانی ڕۆشنا کردەوە. حەوت ساڵە ئێمە خۆمان ڕێکخستن کردووە و بە ڕامانەکانی وی خۆمان پەروەردە کردووە. بۆیە دەڵێین، ئەگەر تێکۆشنمان بۆ ئازادی ڕێبەر ئاپۆ مەزن نەکەین، شەنگال لەدەست دەدەین. ئازادی ڕێبەرێتی مسۆگەری ئاشتی و چارەسەرە بۆ هەموو کێشەکانی ڕۆژهەڵاتی ناوین.

ئازادی ژنانی عەرەب و ژنانی کوردی ئێزدی بە ئازادی جەستەیی ڕێبەر ئاپۆ پێکدێت. لەسەر ئەم بناغەیە، خۆبەڕێوەبەری شەنگال و ئازادی ژنان مسۆگەر دەکەین".

پاش ڕاگەیاندراوەکە درووشمی "بێ سەرۆک ژیان نابێ" و "بژی سەرۆک ئاپۆ" و "ژن، ژیان، ئازادی" و "بژی خۆبەڕێوەبەری شەنگال" کۆتایی هات.