دکتۆر ئەحمەد ماندهاری لە کۆنفرانسێکى رۆژنامەنووسیدا رایگەیاند "کاتێک ئێمە بتوانین دەستمان بە زانیارییەکان بگات ئەو کاتە ئێمە دەتوانین نەخۆشییەکە کۆنترۆڵ بکەین".
ماندهاری ناوی ئەو وڵاتانەى نەهێنا، کە داوایکرد زانیاریی دروست بە رێکخراوی تەندروستیی جیهانی بدەن، بەڵام رایگەیاند، تاوەکو دوێنێ لە رۆژهەڵاتی ناوەڕاستدا ١٨ هەزار و ١٩ کەس تووشی ڤایرۆسی کۆرۆنا بوو بوون، کە نیوەیان لە ئێراندایە.
ماندهاری ئەوەشی وت "سەرباری ئەو رێوشوێنانەى گیراونەتەبەر، بەڵام رۆژ لە دواى رۆژ ڤایرۆسەکە زیاتر بڵاودەبێتەوە".
ماندهاری وتیشی "ئێمە بۆ کۆنترۆڵکردنی ئەو پەتایە پێویستیمان بە پابەندبوونی خێرای حکومەتەکان و پێشکەشکردنی چڕوپڕی خزمەتگوزاریی تەندروستی و گشتیی بۆ کۆمەڵگە هەیە، چونکە تا ئێستاش دەرفەتی کۆنترۆڵکردنی ڤایرۆسەکە ماوە".
ژ.ت