دەوڵەتی تورک و چەتەکانی سوپای نیشتیمانیی سوریا (NSA) بە تۆپ و هاوەن و چەکی قورس هێرشیان کردە سەر چەند گوندێکی جەزیرە و کانتۆنی فورات.  

هێرشەکان دژی کانتۆنی جەزیرە

شاری زرگان و گوندەکانی ڕەبیعات و تەل وەرد و خربەت ئەل شەعیر و عەبۆش تۆپباران کران.

هێرشەکان دژی کانتۆنی فورات

بەنداوی تشرین تەواوی ڕۆژەکە بە چەکی قورس تۆپباران کرا.

گوندی تەروێزەی باشووری سلوکێ و گوندی ئیبراهیم کوردۆی ڕۆژئاوای گرێ‌سپی بە چەکی قورس و تۆپ کرانە ئامانج.

گوندی جەدێی کۆبانێ تۆپباران کرا.

گوندی سەفەوییەی ڕۆژهەڵاتی عەین عیسا بە چەکی قورس و تۆپ کرایە ئامانج.