هێزەکانی رزگاری عەفرین: ٨ داگیرکەر کوژران
هێزەکانی رزگاری عەفرین رایانگەیاند، کە لە عەزاز و شەرا لە چالاکیەکانیاندا ٨ چەتەی دەوڵەتی تورکی داگیرکەر کوژراون.
هێزەکانی رزگاری عەفرین سەبارەت بە چالاکیەکان راگەیەندراوێکیان بڵاوکردەوە کە بەم جۆرەیە:
"لە دژی سیاسەت و هێرشەکانی دەوڵەتی تورک و چەتەکانی وەڵامدانەوەی هێزەکانمان بەردەوامە.
لەو چوارچێوەدا:
٢٦ی ئاب لە عيزاز لە چالاکیەکی نیشانەشکێنی هێزەکانماندا چەتەیەک کوژرا.
٢ی ئەیلول لە عەزاز دوو چالاکی نیشانەشکێنی ئەنجامدران. لە چالاکیەکاندا دوو چەتە کوژران.
٧ی ئەیلول هێزەکانمان لە هێڵی عەنابکێ و مەیرەمین لە ناوچەی شەرا چوونە سەر گروپێک لە چەتەکان. گروپە چەتەکان لە ترسی گیانی خۆیان چواردەوریان بە تەلی دڕکاوی تەنیبوو، سەرباری ئەوەش هێزەکانمان چوونە سەریان و گورزی قورسیان لێوەشاندن. لە هەڵکوتانەکەدا سەرجەم چەتەکان سزادران. هێزەکانمان چوونە سەر تەرمی چەتەکان، دەستیان بەسەر جبەخانەی چەتەکاندا گرت. لەو چالاکیەدا ژمارەیەکی زۆر کامێرا، کامێرای حەراری و ئامێری چاودێری لەناوبران. لە ئەنجامی چالاکیەکەدا ٥ چەتە کوژران، ٢ چەکی جۆری ئەی کەی ٤٧ و بڕێکی زۆر جبەخانە دەستیان بەسەردا گیرا.
لە ئەنجامی چالاکیەکاندا بە گشتیی ٨ چەتە کوژران".
