فەرماندەیی گشتیی هێزەکانی ئاسایشی ناوخۆ بە ڕاگەیاندراوێکی نوسراو شەهیدبوونی ئەندامێکی بە ناوی رێزان سڵێمان ڕاگەیاند و ئاماژەی بەوەکرد شەهید سلێمان لە کاتی هەوڵدانی بۆ هێورکردنەوەی گرژی دۆخێکی نەخوازرا و بە هۆی تەقەکردنێکی هەڵەوە شەهید بووە.

لە درێژە ڕاگەیاندراوەکەی فەرمانداری هاتووە:

"ڕۆژی ١٨/٢/٢٠٢٥ ئەندامێکمان لە شاری تربەسپی لە کاتی ڕاپەڕاندی ئەرکی نەتەوەیی شەهید بوو. شەهید ڕێزان کاتێک لەگەڵ ئەندامانی دەوری هەوڵدەدەن دۆخەکە  کۆنترۆڵ بکەن و لە ناو دادگادا هەمووکەسێک لە ‌‌هێرش بپارێزێت، لە ئەنجامی تەقەکردنی هەڵەدا شەهید بوو. ڕووداوەکە دوای کۆتایی هاتنی دادگاییکردنی تۆمەتبارێک ڕوویدا کە لە مانگی تشرینی دووەمی ٢٠٢٤دا منداڵێکی کوشتبوو و لەو ساتەدا یەکێک لە کەسوکاری منداڵە کوژراوەکە تەقەی لە تۆمەتبارەکە کرد. کاتێک هەوڵدرا دۆخەکە کۆنتڕۆڵ بکرێت و ئاسایش دابین بکەن، شەهید ڕێزان بە هەڵە فیشەکێکی بەردەکەوێت و شەهید دەبێت.

وەک فەرماندەی گشتیی هێزەکانی ئاسایشی ناوخۆ سەرەخۆشی لە بنەماڵە و خزمانی شەهید دەکەین و بەلێن دەدەین بە شێوەیەکی یاسایی و دادپەروەرانە لێ پرسینەوە لە تاوانبار بکەین".

ناسنامەی شەهید ڕێزان بەم شێوەیە:

ناو و پاشناو: ڕێزان سڵێمان

ناوی دایک-باوک: هەدیە-بەهجەت

شوێن و کاتی لە دایکبوون: عەلی بەدران، ١٩٨٨

شوێن و کاتی ئەندامێتی: ١ی کانوونی دووەمی ٢٠١٤

شوێن و کاتی شەهیدبوون: تربەسپی ١٨ی شوباتی ٢٠٢٥