گەلوو سەرنیشتوو و وەرکەوتوو سووریای جە ٨و کانوونو دووەمیۆ بە ئامانجو پشگیری کەردەی مڏرامانو بەنداو تشرینی بە جەم ئێشکگری گێرانە. چالاکییەکە جە بەنداو تشرینینە ئارۆ پا منیۆنە ٤٤مین ڕۆو مڏرامانیش.

هیزی گرووپێوە جە هاموڵاتییا قامیشلۆی، تربەسپی، عامودا و تل حەمس نۆرەو ئێشکگریشا هورگێرت.

ئا کۆمەڵە کە هاموڵاتییا چلاخا، گرکێ لەگێ، دێرک و تل کۆچەر پێکئامێبێنێ، وە جە ١٤و شوباتیۆ جە ئێشکگیرینە بێنێ گێڵێوە یانەو و شارەکا وێشا.

گەلوو قامیشلۆی چنی ڕای کەردەی گرووپێوە پەی ئێشکگیری ڕۆو ٤٤می، دێرێ شەوێ بە جۆشوخرۆشێوە گۆرە و بە واتەیۆ درووشمەکا "بژیوۆ مڏرامانو قەسەدەی" و "سڵام جە یەپەژەی و قەسەدە" ی پێشوازیشا جە هاموڵاتییا وێشا کەرد و کە جە مڏرامانو ئێشکگیری بەنداوەکەینە گێڵێوە.