جەنگاوەرە و یەپەژەی بشەنگ چیا، کە ئینا بەرەو مڏرامانو بەنداو تشرینینە ئاماژەش پانەیەدا تا گەل پەشتیشا بۆنە سەرکۆتەی بەشانە و واتش: "قەولما دان بە گەلوو و خاکەکەیما تا دما هەناسەو ژیوایما بە ئیرادە و بڕواداری گەلیۆ جە مڏرامانەنە بیمێ."
دۆڵەتو تورکی ئەرەگیری بەبێ مردای جە ٨و کانوونو یوەمو ٢٠٢٤یۆ جە ئاسمان و زەمینەنە ئینا هرووژمو کەردەو بەندوا تشرینینە، جە وەراوەرو ئی ئەرەگیریانە جەنگاوەرا قەسەدەی، یەپەگە و یەپەژەی بە ئیرادەو گەلی و ئەزموونو کەڵەکەبییەیشا گرڏو ئا هرووژماشا پوچەڵ کەردێوە و جە پاریزناو ئا قەولانە کە بە خاک و گەلەکەیشا دابێ.
مڏرامانو بەنداو تشرینی
جەنگاوەرەو یەپەژەی بشەنگ چیا کە ماوەو یەرێ مانگان ئینا مڏرامانو بەنداو تشرینینە، پی جۆرە باسش جە قەراردا و مڏرامانو تشرینی کەرد: "هەرچنە دۆڵەتو تورکی بە دڕندانەترین و وەرفروانترین شێوە هرووژم سەر بەنداو تشرینی مکەرۆ، ئێمە بە ئیرادێوە بەرزۆ ئی هرووژما ماڕمێنە. مڏرامانما دەرنجامو ئا بڕوێنە کە جە گەلەکەیماوە هورماگێرتەن. تا دما هەناسەو ژیوایما گەلی شۆڕشگێڵ پێسەو پاسەوان و پارێزنەر بەنداو تشرینی بەردەوامێ بیمێ."
ڕۆنامەوانێ و مەدەنیێ بە ئامانج گیریانە
بشەنگ چیا باسش چانەیە کەرد دۆڵەتو تورکی بە نا ئەخلاقیترین شێوە هرووژم مکەرۆ سەرخانو چێرخان و کەسا مەدەنی مکەرۆ و پی جۆرە بەردەوام بێ: "دۆڵەتو تورکی ئەرەگیری جە زەمینۆ جە ڕاو چەتەکاش و جە ئاسمانیشۆ بە فڕۆکە کۆمکوژی کەسێ مەدەنیێ و ڕۆنامەوانێ سەرو بەنداو تشرینی و هەرێمەکەی مکەرۆ ئامانج. بە تایبەت جە بە ئامانجگێرتەی ڕۆنامەوان عەگید ڕۆژ. جە یەک کاتەنە جە دژو چەتەکا و درۆنە وێکوشییەکا دۆڵەتو تورکی جەنگ مکەرمێ.
ڕۆنامەوان عەگید ڕۆژ یۆ بێ چا ڕۆنامەوانا مڏرامانێ فیداکاریی گۆرە جە بەنداوی تشرینینە هەرمانەکاش کەرێ. عەگید گوزارشت جە حەقیقەتو مڏرامانو گەلی و جەنگاوەرا کەرێ و گرڏو کاتەکەیش جە ڕووماڵ کەردەی حەقیقەتو مڏرامانەکانە بێ. حەر پۆکەی جە لایەنو دۆڵەتو تورکیۆ گەشمەرڏە کریا. پۆکەی بە ڕوحو هەڤاڵا گەشمەرڏاما و گەلەکەیماوە کە تا ئیسە جە مڏرامانو ئێشکگیری بەنداو تشرینینە تا دما هەناسەما جە مڏرامانەنە بیمێ و بیمێ پارێزنەرو خاکی و گەلەکەیما."
