بەگوێرەی زانیاریەكانی ئاژانسی هاوارنیوز، چەتەكانی"جبهەی شامییە"ی سەر بەدەوڵەتی داگیركەری تورك هاوڵاتیەكیان بەناوی"وەلید محەمەد" سەربەگوندی ئۆمەرای راجۆیان رفاندووە.

هەر بەگوێرەی زانیاریەكان، ئەنەكەسە داوای لەوەلید محەمەد كردبوو كە بگەڕێتەوە گوندەكەی خۆی و سۆزیان پێدابوو كە كەس كێشەی بۆ دروست ناكات. بەڵام كاتێك وەلید دەگەڕێتەوە گوندەكەیان، كۆتۆپڕ لەلایەن چەتەكانەوە هەڵدەكۆتنە سەری و دەیڕفێنن و دەیگۆزانەوە بۆ شاری عەزازی داگیركراو.

جێگای ئاماژەیە؛ چەتەكان بۆ ئازادكردنی وەلید محەمەد، داوای بیست میلیۆن لیرەی سووریان لەبنەماڵەكەی كردووە و لەئێستاشدا چارەنووسی وەلید دیار نییە.