دەوڵەتی تورک داوای پارەی لە خانەوادەی گەریلایەکی شەهید کرد
دەوڵەتی تورک داوای ١٠ هەزار و ٤٠٦ لیرەی وەک قەڕەبوو لە خانەوادەی ئایکوت ئوزکور شەهیدی هەپەگە کرد.
فەرماندەی گشتی جەندرمەی تورک داوای قەرەبووی پارەی لە خانەوادەی ئایکوت ئوزکور گەریلای هەپەگە کرد کە لە ٢٨ی ئابی ٢٠١٨دا لە ناوچەی کانیرەشی چەولگ شەهید ببوو. لەسەر داوای فەرماندەی گشتی جەندرمە، بەڕێوەبەرایەتی نووسینگەی ژمێریاری چەولگ بە بیانووی ئەوەی 'بەهۆی شەڕەوە زیان بەر خەزینەکەیان کەوتووە' سکاڵای لەدژی دایک و باوکی ئوزکور، قیمەت ئوزکور و ئاتک ئوزکور تۆمارکرد و داوای قەڕەبووی ١٠ هەزار و ٤٠٦ لیرە کرا.
لە بەڵگەی ئاگاداریدا کە بۆ خانەوادەی ئوزکور رەوانەکراوە ئەگەر لە ماوەی مانگێکدا قەرزەکە نەدرێت، دەست بەسەر بەشێک لە موڵ و ماڵی خانەوادەکەدا دەگیرێت.
ف.ق
