کەجەدەکە-ئە بە بۆنەو ساڵیادو کۆکوشیی دێرسیمیوە ئەرەیاوناێوەش وەڵا کەردۆ و ماچۆ: " دێرسیمنە ٧٠ هەزار کەسێشا کوشتێ، کە زارۆڵێچشا دلێنە بێنێ. سەروو ئی کۆکوشییا وەنەپەرسیایوە وەنەو دەوڵەتو تورکی مکەرمێ".
ئەرەیاونایەکەو کەجەدەکە-ئەینە ئامان : " ٤ و ئایارو ١٩٣٧ دێرسیمنە دەوڵەتی قڕکەرو تورکی ئۆپەراسیۆنی سەروازییش دژو گەلو کوردی و عەلەوییەکا دەس پەنە کەرد. بەپاو ئەرەیاونای ڕسمی ١٦ هەزار کەسێ کوشیێنێ، بەپاو گەلو دێرسیمی پێسەو شایەتحاڵوو کۆکوشییەکەی ٧٠ هەزار کەسێ کە فرێشا پیرێ و ژەنی و زاڕوێ بێنێ، کوشیێنێ".
کەجەدەکە-ئە ماچۆ، ئی ڕووەدایە پێسەو یۆ جە دڕندانەتەرین کۆکوشییەکا لوان دلێ تاریخییوە، گەلو دێرسیمی بە فیشەک و گازی کیماوی و فڕەدای بەرزاییوە و سۆچنای کوشیێنێ. دەیان هەزار کوردێ عەلەویێ لاو دەوڵەتی قڕکەرو تورکیوە کوشیێنێ و ئی ستەمەیچە هەمیشە پێسەو پەڵێوی سیاوین میاچەماو تارێخو دەوڵەتو تورکیوە مەنۆوە.
کەجەدەکە-ئە ئەوەخوایش مکەرۆوە ئی کۆکوشییە لاو کوردا و گەلو دێرسیمیوە یاد نمەکریۆ و ماچۆ: "گەلو دێرسیمی بە کۆشیای بییەی و ئازادی، حیسابو ئی کۆکوشییا جە دەوڵەتی قڕکەرو تورکی پەرسۆوە".
کەجەدەکە-ئە ماچۆ: "دەوڵەتی قڕکەرو تورکی پێسەو وەرپەرسوو کۆکوشیییەکەی، شەرمەزار مکەرمێ. ئەوەخوایش مکەرمێوە، بۆنەو ئی کۆکوشییاوە، وەنەپەرسایوە جە دەوڵەتو تورکی مکەرمێ. دژو ئا هێزە کۆکوشکەرا گەرەکشانە گەلو کوردی قڕ بکەران، بەپاگێرتەیرەوە درێژە بە کۆشیای مدەیمێ".
