لە گۆڕەپانی ستێرنشانزی شاری هامبۆرگی ئەڵمانیا ١٠هەمین ساڵیادی ڕزگارکردنی کۆبانێ بە جۆشەوە پیرۆز کرا. پیرۆزبای لە سەر بانگەوازی ناوەندی کۆمەڵگەی دیموکراتیکی کوردی هامبۆرگ، ئەنجوومەنی ژنی ڕۆزا و دی لینکە هامبۆرگەوە ئەنجامدرا.

بە خولەکێک ڕێزگرتن بۆ گیانی شەهیدان پیرۆزکردنەکە دەستی پێکرد. لە پیرۆزکردنەکەدا جێگری ئەنجوومەنی ئاڵتۆنایی دی لینکە و بەربژێر ئەنجوومەنی هەرێمی هامبۆرگ یاڤوز فەرسئۆغلۆ قسەی کرد و گوتی: "بەرخۆدانی کۆبانێ سیمبولی ئازادی ژیانی کوردانە. بەرخۆدانی کۆبانێ لە بەرانبەر هێزە تاریکەکان شکۆی مرۆڤایەتی  و ئازادی پاراست. لە دوای ١٣٤ ڕۆژ شەڕڤانانی یەپەژە و یەپەگە کۆبانێیان لە چەیەکانی داعش ڕزگار کرد".

فەرسئۆغلۆ هێرشەکانی دەوڵەتی تورکی داگیرکەری لەسەر باکوور و ڕۆژهەڵاتی سووریا شەرمەزار کرد و گوتی: "دەبێت دەستبەجێ هێرشەکان لەسەر بەنداوی تشرین ڕاوەستێنرێت". بە دروشمی "بژی بەرخۆدانی کۆبانێ" و "بژی بەرخۆدانی ڕۆژئاوا" کۆتایی بە قسەکانی هێنا.

'بەرخۆدان مێژووی گۆڕی'                                                                       

سەرۆکی دی لینکەی ناوچەی ئاڵتۆنا مالێری کلاینرت گوتی: "بەرخۆدان و سەرکەوتنی کۆبانێ نەک تەنها بۆ کوردان بۆ تەواوی جیهان بوو بە هیوا. کۆبانێ لە ٢٦ی کانوونی دووەمی ٢٠١٥دا بە بەرخۆدان و بوێری کوردان ئازاد بوو. بەرخۆدان هەمیشە مێژوو دەگۆرێت".

لە بەردەوامییدا مالێری کلاینرت داوایکرد رێبەر ئاپۆ و تەواوی زیندانیانی سیاسی ئازاد بکرێن و وتی: "لە پشتیووانی کردنی کوردان بەردەوامین".

پیرۆزکردنەکە بە دروشمی "بژی بەرخۆدانی کۆبانێ" و "ژن، ژیان، ئازادی" کۆتایی هات.