سلێمان ئەحمەڎ هەواڵسازوو بەشو عەرەبی ئاژانسوو (رۆژنیوزی) ڕۊو ١و تشرینوو یووەم و ٢٠٢٣ پەی سەردای و دیڎاری چنی بنەیانەکەیش لووابۍ پەی گەڕەکەو شێخ مەقسودی جە حەڵەب. سلێمان ڕۊو ٢٥و تشرینی یووەمی وەختۍ گەرەکش بۍ جە دەروازەو پێشخابوریوە گێڵۊوە پەی پانیشتوو کوردسانی، جە تەرەفوو هێزەکاو پەدەکەیۆ بڕفانیا و دماو زیاتەر جە ٧ مانگا پاڕێزنەرەکێش تاواشا چەمشا پنەش گنۆ.

جە ٣ۍ حوزەیرانی دادگاو تاوانەکا دهۆکی رۆو ٣٠ی حوزەیرانیش پەی یوەم ئەرەنیشتەو دادگایکەرڎەی سلێمان ئەحمەدی دەسنیشانکەرد، بەڵام بە بەهانۍ ئاماڎەنەبیەی دادوەری و نەکیانای کەلوپەلو ڕۆنامەوانی ڕۆنامەنوسی نامبریایۆ، دادگا ئەرەنیشتەکەیش پەی ٢٩و تەمموزی دماوست، چا ڕووەنە دادگاو تاوانەکا دهۆکی سزاو ٣ ساڵا زیڼانیش پەی سلێمان ئەحمەدی قەراردا. ئارۆ ٣٣٣ ڕوێن سلێمان ئەحمەد جە زیڼانەکا پەدەکەینە زیڼانیکریان.

جە ماوەکا ۋییەرڎەینە پارێزنەرا سلێمان ئەحمەدی تەعنشا جە قەرارو دادگای داو  دۆسییەو سلێمان ئەحمەدییشا ڕادەسو دادگاو (تەمیز)ی کەرڎ تا قەراری دماینش سەر بڎۆ.