٢٥ساڵۍ وێرۆ سەروو گەلە کۆمەو دەوڵەتە ئەرەگیرەکا کوردسانیرە. ٢٥ ساڵۍ چێوەڵتەر و جە ١٥و شوباتو ١٩٩٩ بە بەشداری چنیڎن دەوڵەتی پیناو دەسگیرکەردەو ڕێبەر ئاپۆینە پیلانەکیشا وەڕاوەبەرد. وەڕاوەبەردەو ئی گەلەکۆمەیە جەلایەن و دەوڵەتە هەژمونگەراکاوە گوزارشت جە دەسپەنەکەردەی قۆناغێوە تازەبی جە ژیانو سیاسەتو وەرکەوتو میامینی. هەمان شێوە دەسگیرکەردەو ڕێبەر ئاپۆی قۆناغێوە تازەو مەترسیداربی پەی گلیرگەو کوردی و ئاخیزەکەیش. وەڕاوەبەردەو پیلان و ١٥و شوباتی یۆن جە مەترسیدارترین ئا پیلانا کە دژ بە گەل‌و کوردی وەڕاوە بریا. یۆتەر جا مەترسیا درک نەکەردەو مەترسییەکا ئی پیلانەی بی کە ویش جە فراوانکەردەو دووژمنایەتی گلیرگەو کوردی و تورکییەنە وینێوە. تورکیا کە ویش گیرۆدەو دەسو دەیان قەیرانا سیاسی و دیموکراسی و ئابووری و ئازادی و مافی مرۆڤ بی بەبێ ئانەی کاروەدەسا تورکیای درک بە دیمە شاراوەکا ئی گەلە کۆمەیە کەرانی کەوتی دۆخێوە سەرمەتی بەجۆرێ فاشیزم‌و تورکی وەرچەمش گیرتیبینی کە پسەو ئانەی هەڵسوکەوت کەرینی کە ویشا ورئیستینی بە بڕفانا و دەسگیرکەردەو ڕێبەر ئاپۆی، تا چن ساڵێوە دماتر یۆ جە کاربەدەسا ئەنقەرەی ئەرەیاوناش کە درکما پانەی نەکەرد چەنی ئاپۆشا بی وەرانوەر ڕادەسکەردیمێ؟

جە پلانگیڵناو ١٥و شوباتینە زیاتەر ٣٠ی دەوڵەتی بەشداریشاکەردەن! پەی ٢٦ساڵا ملۆ ڕێبەر ئاپۆ جە زینان و ئیمڕاڵینە وزیان دلی دۆخێ فرە نا ئینسانیرەو جە سەرەتایترین مافەکاش بی بەشکریان، سەرەڕاو تەمام و ئاستەنگی و فشارەکا سەریش ئی ڕێبەرە بەو پەڕو باوەڕیۆ مدرامانێ فراوان وەڕاوە بەرۆ. جە زینان و ئیمڕاڵینە چنین جار هەوڵ و جە بەین بەردەو ڕێبەر ئاپۆی دریان، هەر جە بڕیار و جە یەرەدارەدایۆ تا بە ژەهیر واردکریایش. سیسەم‌و سەرمایەداری زانی کە فەلسەفەو ڕێبەر ئاپۆی هەڕەشەن پەی سەریش پۆکەی تەمام و هیزو ویش وستکار تا ئانەی کە ڕێبەر ئاپۆی گۆشەگیرکەرانی چوونکە دووژمن زانی چەنی بەرکەوتەو ڕێبەر ئاپۆی قۆناغێوە تازە بە بیناکەردەو گلیرگەو تاک و کوردی سەرپا گنۆ کە مدرنایش فرە زەحمەت بۆ پەیشا. ڕێکوزیاو ناتۆی بە گردو هیزو مادی و مەعنەویشۆ هامکاری دەوڵەت و ئەرەگیر و تورکییەی کەرۆ پەی جەبەین بەردەو ڕۆحیەت و کوردی ئازادی. تەمام و فشارەکا تورکییەی پەی سەرو دیمەشقی و بەرکەردەو ڕێبەر ئاپۆی جە سووریانە ئا ڕاستییەما نیشانە مرۆنە کە تورکیا بە هامکاری و پاڵپشتی دەوڵەتا ناتۆی وەڕاوە بریۆنە. بیدەنگی دەوڵەتە ئیقلیمیەکا هەمان ڕاسیما پەنە ماچۆ. جە سەروبەنو وەڕاوە بەردەو پیلان و دەسگیرکەردەو ڕێبەر ئاپۆی حوسنی موبارەک سەردان و دیمەشقی کەرۆنەو بە حافز ئەسەدی ماچۆنە: "پەنەوازا بەبێ هیچ جۆرە دوو دڵێوە دەسبەردار و ئاپۆی بیدی، وەگەرنا چەنی دەوڵەت و تورکیای گندی دلی جەنگێوە فرە گەورەی! وە هیچ دەوڵەتێوە عەرەبیج مەتاو هامکاریتا کەرۆنە، چونکە ئی جەنگە بەتەنیا جەنگ و دەوڵەت و تورکیای مەبۆنە؛ بەڵکو ڕاستەوخۆ جەنگەکە جەنگو ناتۆین! پیجۆرە دیمەشق ناجار کریۆ کە دەسبەردارو ڕیبەر ئاپۆی بۆ. ڕیبەر ئاپۆ هەست بە مەترسی ئی گەلەکۆمەیە کەرۆنە، پۆکەی پیناو پاریزناو ئارامی مەنتیقەکەینە وەرکەوت و میامینی جیامازۆنە و بە هیواو کەردەیۆ ڕێوە ئاشتاینەی پەی پرس‌و پێوە ژیواو گەلا ڕووە کەرۆنە ئەوروپا. ئا ئەوروپای کە بەردەوام وشی دیموکراسی و ماف و مرۆڤیش کەردەن بە درووشمو وێش چەنی پرس و کوردی جە کەسایەتی ڕێبەر ئاپۆینە تەمام دووژمنانە نزیکایەتیشکەرد. سەرەڕاو کەردەیۆ دەیان بەرا پەی گفتوگۆی جە لایەن و ڕێبەر ئاپۆیۆ بەڵام دەوڵەتە ئۆروپییەکی بی باکی بینی جە هیوا و گلیرگەو کوردی و ژیان و ڕێبەر ئاپۆی. سەرەڕاو وەڕاوەبەردەو سەدان وینیشاندانی و وێ سۆچناو دەیان ئینسانا پەی پرسو چارەسەری بەڵام هەوڵەکی نەبی بائیسو ئانەی کە ئی گەلە کۆمە ئەنجام نەدریۆ. دماجار ڕیبەر ئاپۆ ناچار پانەی کریا کە ئۆروپای بەرەو ئەفریقاو پانیشتی جۆڵکەرۆنە تا پی پیلانیشا ڕووەی سیاوەو ویشا شاراوە. وەڵی یاواو ڕیبەر ئاپۆیو هەڤاڵەکاش ئامادەکاری تەمام کریابی پەی دەسگیرکەردەیش ئانەبی جە ١٥و شوباتینە گلیرگەو کوردی بە ئەرەیاوناو دەسگیرکەردەو ڕیبەرەکەیش ئێرشا وەربینەو دەسشا بە وینیشاندای کەرد کە تا بە ئارۆیج هەوڵەکی پیناو ئازادی جەستەی ڕیبەر ئاپۆی بەردەوامینی.