ناڕەزایەتییەکۍ وەرا وەر بە رێکەوتەی ئەمنی بەینو عێراقی و دۆڵەتو تورکی بەردەوامێنۍ و سەرۆکو گروپو فاو-زاخۆی عامر عەبدولجەبار ئەرەیاوناش، ئێمە گرد جۆرێ دەستدرێژیێوە پەی سەر وعێراقی و هەرێمی رەڏێ مکەرمێ، جا جەلایانو توركیا، ئێران، ئەمریكا، یان كووەیتیۆ بۆ.
عامر عەبدول جەبار سەرۆكو گرووپو فاو-زاخۆی، سەبارەت بە بەردەوامی هجومو بۆردومانەكا دۆڵەتو ئەرەگیرو توركی پەی سەرو عێراقی و هەرێمو كوردەسانی، هەرپاسە بێدەنگی حكومەتی، بە رۆژنیوزیش ئەرەیاونان: گرد جۆرە دەسدرێژیێوە پەی سەرو عێراقی و هەرێمی ڕەڏ مکەرمێ، جا جە لایەنو توركیا، ئێران، ئەمریكا، یان كووەیتیۆ بۆ، بەڵام جەهەمان كاتەنە سەرەما سووڕمەنەن چانەی کە حكومەت هیچ هەڵوێسێوەش وەرا وەر پی هجوما و بۆردومانا نییا.
باسش چانەی کەرد، " پەی نموونەی، دەسدرێژیی پەی سەرو هەرێمو كوردسانی بییەن جەلایەنو توركیایۆ تەنیا بڕۍ لایەنێ كوردیێ كاروەدایشا بییەن، ئەگەر حەشدی شەعبی بکریۆ ئامانج، ئانە ئاڎێ کاروەدایشا وەرا وەر پا هجوما بۆنە.
جەختش چانەیە کەردۆ، جە گردو حكومەتە یۆ شۊنی یۆکارە گۆشما جە ڕێككەوتە ئەمنییەكا بۆ، بەڵام داخەم نمەشۆ چارەسەری ڕیشەیی و هەمەلایەنە نییا، هەرپاسە پڕۆژێوەشا پێشكەش بە حكومەتی کەرد، جیای هاوردەكردەی ڕووەنو زەیتی جە توركیاوە، عێراق وێش زەیت بەرهەم بارۆ، بە ئیسفاڎە هۆرگێرتەی جە بیابانەكا پارێزگاو سەماوەی و موسڵی پەی ئانەی گرد بکریۆ بە گوڵەبەڕۆژە، دماتەر زەیتش چنە بەرهەم بێ."
