ڕەقە

هەزاران کەسۍ جە ئەرەنیشتا کانتۆنەکا ڕەقەی منبجی و تەبقەی بە ڕاپیمایۍ جەماوەری پیلانگێڵنیی ١٥و شوباتیشا شەرمەسار کەرد. ڕاپیماکەی جە مێڎانوو ژەنۍ ئازاڎێنە جە شاروو ڕەقەی لووا ڕاوە.

لە ڕێپێوانەکەدا پۆستەرەکانی ڕێبەر عەبدوڵا ئۆجالان، ئاڵا و نوسراوەکانی قەسەدە"بە بیرۆکەی نەتەوەی دیموکراتیک پیلانگێڕی نێودەوڵەتی لەناو دەبەین" و "بە ئیرادەی گەل دیوارەکانی ئیمرالی هەڵدەوشێنین" هەڵکرا.

جە چلاخا، ئەندامەو مەجلیسوو گەلا دیموکراتی کانتۆنوو ڕەقەی، لاشین عەبدوڵا قسێش کەردۍ و واتش: "وڵاتا سەرمایەداری پیلانەشا جە دژوو ڕابەر عەبدوڵا ئۆجالانی ئەنجامدا، ئێمە تا ئازاڎی جەسڎەیی ڕابەرایەتیما بەدەس مارمۍ بەردەوامێنمۍ جە کۊشیای.

جە میانەو ڕاپیماکەینە حەمدان ئەلعابد، هامسەرۆکوو ئیدارەو ڕاوەبەری دیموکراتیکی سەرنیشت و ۋەرکەوتوو سوریای ئەرەیاۋناش: "جە هەرێموو فوراتیوە، جە شاروو عەبدولسەلام ئەل لجێلیوە سڵام جە ڕابەر عەبدوڵا ئۆجەلانی کەرمۍ، ئی ڕووە پۍ ئێمە ڕووێوە سیاوا کە هێزە پیلانگێڵنەکۍ جە کەسایەتی ڕابەر ئۆجالانینە دژوو گەلا پیلانگێڵنیشا کەرد."

*****

کۆبانۍ

بە بەشداری دەیان هەزار کەسا جە شارەکا کۆبانێ، عەین عیسای و سرینێ کانتۆنوو فوراتی پیلانگێڵنی میان دەوڵەتی دژ بە ڕابەروو گەلوو کوردی عەبدوڵا ئۆجالانی شەرمەسار کریا.

جە مێڎانەکەنە، ئا گەنجۍ کە ماوەو ٣ ڕووان ئینۍ ڕاوە، بەشدارۍ ڕاپیماکەی بێنۍ و تا ناوەنڎوو شاروو کۆبانێ و دەگاو هلنجێ ڕاپیمایشا کەرد.

جە میانوو ڕاپیماکەینە مەهاباد کۆچەرە، ئەندامەو ئەنجومەنوو گرڎیی پارتوو یۊبیەی دیموکراتیکی (پەیەدە)ی قسێش کەردۍ و واتش: "پیلانێوە جەهانیە جە دژوو گەلا هەرێمەکەی بۍ، گۆشەگیرکەردەی ڕابەر ئۆجالانی درێژەپنەدەروو هەمان پیلانگێڵنییا، چونکی پیلانگێڵنەکۍ نەتاواشا ئامانجەکەیشا بەدەس بارا''.

جە درێژەو قسەکاشەنە کۆچەرە واتش،'' گەلاو هەرێمەکەی بەرەو ئاسایش هەنگامە منیا. بیرۆکەو ئازاڎیی کە جە ڕابەر ئۆجالانیۆ هورشا گێرتەن ڕا تاریکەکێشا ڕۆشن کەرۆوە".

حەرجە میانوو ڕاپیماکەینە فەزا محەمەد، یاگەگیروو هامسەرۆکوو ئەنجوومەنوو کانتۆنوو گرێ سپی، ئەرەیاۋناش: پێویسا گەلا هەرێمەکەی پەرە بە چالاکییەکا ۋێشا بڎا و دیواروو زینڎانوو ئیمرالی ماڕا، وەختۍ ئازاڎیی جەسڎەیی ڕابەر ئۆجالانی بەدیئاما، ئا وەختە گەلاو هەرێمەکەی و هەرێمەکەیچما ئازاڎ کریۆ".

*****

حەلەب

بەدەیان هەزار کوردۍ، عەرەبۍ، گەنجۍ و ژەنۍ ۋەروودەم و هۆڵوو ٨و مارسینە جە کۊڵانەو شێخ مەقسودوو شاروو حەلەبی کوۍ بیێوە و ڕاپیمایشا کەرد.

ڕاپیماکەی بە سەرمەشقایەتی گەنجا دەسش پنەکەرد، جەماوەر دماتەر سەردای نمایشگەو وێنەکا پیلانگێڵنی میان دەوڵەتیشا کەرد.

دماتەر ئەنداموو مەجلیسوو گرڎیی پارتوو یۊبیەی دیموکراتیکی (پەیەدە)ی فەرحان کۆبانێ قسێش کەردۍ و پیلانەو ١٥و شوباتیش بە مەترسیڎارتەرین پیلانگێڵنی تاریخی جە ۋەرکەوتوو دلێڕاسەینە پێناسە کەرد.

حەر جە ڕاپیماکەینە ئەنداماو ڕاوەبەری پەیەدەی، ئەمینە بەرەمە و میری ئەل شیبلی، ئەنداموو ڕاوەبەری ڕێکوزیاکا گلێرگەو مەڎەنی بەشدارۍ بێنۍ و قسێشا کەردۍ و واتشا: "جە ڕاو فکر و فەلسەفەو ڕابەر ئۆجالانیوە، ڕاسی هێزە فاشیستەکا بەرکۊت، ئا ڕێشە پۍ سەرهۊرداو گەلا کەردۆ، گۆشەگیریی ئیمرالی شەرمەسار کریا و داواو ئازاڎیی ڕابەروو گەلوو کوردی بەرز کریاوە".