چالاکیەکە جە چوارچێوەو هەڵمەتەو "ئازاڎیی پەی عەبدوڵا ئۆجالانی، چارەسەری پەی پەرسو کوردی"نە جە ١٥و ئەیلولی بە سەرمەشقایەتی جوانا کورڎی و جوانا ئەنتەرناسیۆنالی شارو بێلفێلدو ئەڵمانیاینە دەسشپنەکەرڎ سەرەڕاو ئاژاوەگێلنی و گێرەشێوێنیەکا پۆلیسی شارو دویسبۆرگو ئا وڵاتەینە دمایش پنە ئاما.

جوانۍ سەرسەعب جە کۆڵانەکا مارکسلۆ-پۆلمانینە کوۍ بیێوە، بە ۋەنایۆ ئەرەیاۋنێوە ڕۆنامەوانی دمایشا بە ڕاپیماکەو ۋێشا ئارڎ.

ڕاپیماکەی چێرو تەوقۍ گۆرۍ پۆلیسینە ئەنجام دریا و جە دما دمایی ڕاپیماکەینە پۆلیس هرووژمش کەرڎ سەرو چالاکا و هەوڵش دا جوانێوە گێرۆنە، بەڵام جوانەکۍ بە ۋەشکەرڎەی بازنېوە وەرگری بە دروشمەو "بژیۋۆ مڎرامانوو ئیمراڵی" و "بژیۋۆ سەرۆک ئاپۆ"ی جە ۋەرا ۋەر بە پۆلیسی مردێوە و ناچار بە کیشیایۆیشا کەرڎۍ.

وەڵتەریچ بە هەمان هەڵوێسۆ جوانۍ جە دیوسبۆرگەنە جە دژو هەوڵەکا پۆلیسی مردێوە.

جە دمادمایی ڕاپیماکەینە جوانا بەرەو ٣٢ەمین فیستیڤاڵی مېیاننەتەوەی کلتوری کورڎی جە شارو فرانکۆرتی کۊتۍ ڕا.