پلاتفۆرمو ژەنې دیجلەو ئامەدی و تۊڕەو وەرەنگاربییەیۆ تڼوتیژی ئامەدی بۊنەو دوەمین ساڵڕۆو کوشتەو ژینا ئەمینیێ وەردەمو دادگاو ئامەدینە تاکو مێدانو شێخ سەعیدی ڕاپیمایشا کەرد، بەشېوە جە ئەنداما پارت و ڕېکوزیاکا و پەرلەمانتارا بەشدارې بېنې.

وێنەو ژینا ئەمینیێ و نارین گورانی (٨ ساڵانێ) کە ٢١ و ئابی بېسەروشۆنە بې جە ٨ و ئەیلولی تەرمەکەش ئێزیاوە، هۆرگیریا، درووشمو "جە ژینا ئەمینیېوە تاکو نارینە، بکوژەکا مشناسمێ" بەرزکریاوە.

پۆلیسێ ڕاپیماکەراشا تەوقەدێ ژەنی بە هەلهەلە و چەپڵې و درووشمێ ناڕەزایشا بەربڕی و تەوقەکېشا ماڕا.

جە مێدانو شێخ سەعیدینە، واتەواچەو پلاتفۆرمو ژەنا دیجلەو ئامەدی ئەرەیاونێوە هامبەشش واناوە، واتش: "ژینا ئەمینیە بېیېنە سیمبولەو چالاکی وەرفراوانی جە گرڎ یاگېنێ. تەرسیشا جە ڕېکوستەی شناسنامەو ژەنې ئازادی تامێ گۆرەتەر بۊ".

هەرپاسە ئەرەیاوناش وەنەپەرسای جە بکوژا و پارێزنەرێ بکوژا نارینێ و ژینا ئەمینیێ و تەمامو ژەنا مکەرمې، واتش: "پەی وەنەپەرسایۆ جە بکوژو ژەنا و ئامایدی دادپەروەری ئینایمێ جادەکانە".

جە دماینە واتش: "ۋەرەنگاری ژەنې دژو ڕژێمە ئەوەمەنەکا تامێ گۆرەتەر بۊ. شۆڕشو ژەنا جە ئێران پەی ئامەدی تامێ فراوانتەر بۊ. دەنگو "ژەنې، ژیوای، ئازادی" بە یەک دەنگ بەرز بۊوە. پاگیرێنمێ سەرو مڎرامانی".