پانیشتوو فەڕەنساینە پەی ئازاڎیی ڕابەروو گەلوو کوردی عەبدوڵا ئۊجالانی، هیزی بە بەشداریی ١٥٨ کەسا ڕاپیمایی ٣ ڕوە دەسش پەنە کەرد. پۍ کرد.

ڕاپیمایەکەو هیزینە پەیام دریا، "ئێمە بە مدرامان ئازاڎیی جەسەیی ڕابەریمان دەس وزمۍ. سڵام چا ڕاپیمایا کەرمۍ، کە پەی ئازاڎیی ڕابەر ئاپۊی دەسشا پەنە کەردەن، سەرکەوتەی پەی ئی مدرامانی".

وەردەموو شارەوانیی ناوەندوو ماریگنانینە بە خێراماێوە جەماوەری و ئەرەیاونیاو کۊمیتەی ئامادەکاری، ڕۊو یوەموو ڕاپیمایەکەی دماییش ئاما.

بانگەواز کریا پەی ڕاپیمایەکەو سەبای

بە نامۍ کۊمیتەو ئامادەکارییوە، فەتحی پاتنۊس واتش:

"سەرەڕاو هەلومەرجە خراپەکا ڕۊو یوەموو ڕاپیمایە ٣ ڕوەییەکەیما بەسەرکەوتەییی تەمامنا. ئارۊ ماریگنان تا مارسیلیا ڕا پیممۍ، بەشوو دووەمی دماییش مۍ. بانگەواز جە دۊس و وەڵاتپارێزنا کەرمۍ، بەشداریی مەراسیمەکەو سەبای کەرانۍ. سەروو ئی بناغەیە ڕۊو یەکشەمەی مەیدانوو کانیبەرینە سەعات١٣:٠٠ هەزاران کەسۍ پێوە ڕاپیمایەکەیما وەردەموو پەرلەمانوو ئەورووپا بە ڕاپیمایێوە دمایی پەنە مارمێ".